न्यूजमधेश डेस्क
काठमाडौं ,५ जेष्ठ । नेपाली कांग्रेसका युवा नेता गगनकुमार थापाले कोरोना संक्रमित बिरामीलाई अस्पताल आउजाउका लागि निस्शुल्क यातायात सेवा शुरु गरेका छन् ।काठमाडौं क्षेत्र नम्बर ४ बाट प्रतिनिधि सभामा निर्वाचित सांसदसमेत रहेका थापाले आफ्नो क्षेत्रमा यस्तो सेवा शुरु गरेका हुन् ।
साउथ एसिया फाउन्डेसन लगायतका विभिन्न व्यक्तिको सहयोगमा नेपाली कांग्रेस काठमाडौं क्षेत्र नम्बर ४ को नेतृत्वमा यो सेवा शुरु गरिएको थापाले भिडियो सन्देशमार्फत जनाएका छन् ।
“घरमै आइसोलेसनमा रहनुभएकालाई अस्पताल जानआउन, परीक्षण गर्न वा आइसोलेसन सेन्टर जानको लागि नेपाली कांग्रेस काठमाडौँ क्षेत्र ४ को नेतृत्वमा निस्शुल्क यातायात सेवा सुरु गरेका छौँ,” थापाले भनेका छन् ।
