न्यूजमधेश डेस्क
जनकपुरधाम ,७ जेष्ठ । डा सीके राउत नेतृत्वको जनमत पार्टीले महोत्तरीमा निमको बोट लगाएर वृक्षारोपण अभियान सुरु गरेको छ ।
शुक्रबार जनमत पार्टी महोत्तरीका जिल्ला संयोजक बिरेन्द्र मण्डलले निषेधाज्ञाको मध्यनजर राखेर स्वास्थ्य मापदण्ड पालन गरेर वृक्षारोपण अभियान सुरु गरेको छ।
उनले भने ,अहिले अक्सिजनको कमीले धेरै जनाको अकालमै मृत्यु हुने गरेको सर्व वितिकै छ । चुरिया क्षेत्रमा भइरहेको वनविनाश र मरुभूमिकरणलाई रोक्नका लागि वृक्षारोपण अभियानलाई निरन्तरता दिदै आइरहेको संयोजक मण्डलले जानकारी दिए ।
वन बिनासका कारण मधेशमा पर्यावरणीय संकट बढेको भन्दै वृक्षारोपण अभियानलाई निरन्तरता दिएको जनमत पार्टीका नेता विश्वनाथ चौधरीले जानकारी दिए ।
उनले मधेसलाई मरु भूमीकरणबाट जोगाउन एक करोड विरुवा रोप्ने अभियान जनमत पार्टीले चलाएको छ ।
सोही अभियानलाई निरन्तरता दिनको लागि शुक्रबार जिल्लाको एकडारा गाउँपालिका र मठियानी नगरपालिकामा जनमत पार्टीका नेता तथा कार्यक्रताहरुले एकैसाथ निमको बोट रोपेर वृक्षारोपण अभियान सुरु गरेको छ ।
जनमत पार्टी महोत्तरीका संयोजक विरेन्द्र मण्डलले एकडारा गाउँपालिका ३ अजमरपट्टिमा आफ्नै घरमा निमको वृक्ष रोपेर अभियानलाई सुरु गरेको छ ।संयोजक मण्डलले जिल्लादेखि वडा तहसम्मका नेता तथा कार्यकर्तालाई कोरोना भाइरसको मध्यनजर गरेर स्वास्थ्य मापदण्ड पालन गरेर वृक्षारोपण गर्न निर्देशन दिएको छ ।
जनमत पार्टीले आफ्नो घोषणापत्रमा १ करोड वृक्षारोपण अभियानलाई आफ्नो प्राथमिकताका कार्यक्रममा राखेको छ । जनमत पार्टीका नेता कार्यकर्ताहरुले यो भन्दा अगाडी पनि निमको बोट मधेशका विभिन्न जिल्ला सहित काठमाडौंमा समेत वृक्षारोपण गरेको थिए ।
