न्यूजमधेश डेस्क
जनकपुरधाम ,९ जेष्ठ । कोरोना भाइरसको दोस्रो लहरले सामुदायीक स्तरमा संक्रमणको जोखिमलाई मध्यनजर गर्दै डा सीके राउत नेतृत्वको जनमत पार्टीले कोरोनाबाट बचनको लागि जनचेतना जगाउनुको साथै माक्स वितरण गरेको छ ।
सिरहाको कल्याणपुर नगरपालिका वडा नम्बर ४ स्थित दलित बस्तिमा घर घरमा जनमत पार्टीका नेता तथा कार्यकर्ताहरु कोरोना भाइरसबाट बचनको लागि सरकारले जारी गरेको स्वास्थ्य मापदण्ड पालन गर्नको लागि आग्रह गर्दै माक्स वितरण गरेका छन् ।
कोरोना भाइरसबाट बचनको लागि सर्बसाधारणहरुलाई सचेतना मुलक सन्देश सहित जनमत पार्टीले मास्क वितरण गरिएको विद्यार्थी नेता दिप यादवले बताए ।
बिश्वब्यापी रुपमा फैलिरहेको कोरोना भाइरसबाट बचनको लागि समय समयमा साबुन पानिले हाथ धुनुपर्ने ,आवस्यक काम बाहेक बाहिर नजाने ,कतै गएमा सामाजिक दुरी कायम गरेर कुरा गर्ने ,जादा भीडभाडमा नजाने जस्ता कुराहरु सर्वसाधारणमा जनचेतनाका जगाउनुको साथै करिव २ हजार माक्स वितरण गरिएको पार्टीले बताए ।
सो माक्स वितरण र जनचेतना कार्यक्रममा जनमत पार्टीका सहयात्री ई राजदेव खर्गा ,पार्टीका कल्याणपुर नगरपालिकाका अध्यक्ष रबिन्द्र ठाकुर ,पार्टीका कल्याणपुर नगरपालिकाका उपाध्यक्ष माला यादव , पार्टीका स्थानीय नेता तथा कार्यकर्ताहरुको उपस्थित रहेको थियो ।
