न्यूजमधेश डेस्क
जनकपुरधाम ,१० जेष्ठ । वैदेशिक रोजकारको क्रममा साउदी अरेबियामा मृत्यु भएका परिवारलाई गैर आवासीय मधेशी संघले आर्थिक सहयोग गरको छ ।
करिब ६ महिना अगाडि कामकै सिलसिलामा ज्यान गुमाएका महोत्तरीको जलेश्वर नगरपालिका वडा नम्बर ११ का गगनदेव राय यादवको परिवारलाई जनमत पार्टीका महासचिव चन्दन सिंहको पहलमा गैर आवासीय मधेशी संघको सहयोगमा गगन देवको लाश घर पठाएको थियो।
सोही क्रममा महासचिव सिंहले गैर आवासीय मधेशी संघ साउदीका प्रतिनिधिहरूलाई गगनदेवको घरको अवस्था आर्थिक रुपमा कमजोर रहेको जानकारी गराएका थिए । त्यसपछि एनआरएमएका प्रतिनिधिहरूले आ– आफ्नो स्तरबाट संकलन गररे नेपाली रुपैयाँ ६२ हजरा महासचिव चन्दन सिंहको नाममा पठाइएको थियो।
सो रकम करिब एक हप्ता अगाडि पठाएको थिए । तर महामारीका कारण ग्रामीण भेगका बैंकहरू बन्द रहेकोले रकम निकालनमा निकै कठिनाई भएकोले रकम प्रदानमा समेत ढिला भएको जनमत पार्टीका महासचिव चन्दन सिंहले जानकारी दिए ।
आइतबारबार गगनदेव राय यादवको घर पुगेर जनमत पार्टीका नेता तथा कार्यकर्ताहरूले कोरोना भाइरसको मध्यनजर गर्दै भिडभाड नगरी ६२ हजार रकम गगनदेवको श्रीमती र उनका छोरा सुधामा यादवलाई गैर आवासीय मधेशी संघ साउदीले पठाएको रकम महासचिव चन्दन सिंहले हस्तान्तरण गरको छ ।
सो रकम हस्तान्तरण गर्न जनमत पार्टीका नेता सिंहेश्वर मण्डल र जनमत पार्टीका वडाध्यक्ष संतोष ठाकुर पनि पुगेका थिए ।
गगनदेवको परिवारलाई आफ्नो परिवार सम्झिएर एक एक रुपैया गररे जति जना सहयोग गर्न‘ र गैर आवासीय मधेशी संघका सम्पुर्ण प्रतिनिधिहरूलाई जनमत पार्टीका महासचिव सिंहले धन्यवाद समेत दिएका हुन ।
