न्यूजमधेश डेस्क
जनकपुरधाम,११ जेष्ठ ।धनुषाको धनुषाधाम नगरपालिका वडा नम्बर ८ स्थित मुराबारीमा क्यान्सरबाट मृत्यु भएका परिवारलाई युवा जनमत संघले आर्थिक सहयोग गरेको छ ।
डा सीके राउत नेतृत्वका जनमत पार्टीका जनवर्गीय संगठन युवा जनमत संघमा कतार ,दुबई र मलेसियामा आवद्ध रहेका युवाहरुले नेपाली २८३१० रुपैया क्यान्सरबाट मृत्यु भएका राजकिशोर महरा परिवारलाई सहयोग गर्नको लागि पठाएको थियो ।
मंगलबार जनमत पार्टी धनुषाका नेता तथा कार्यकर्ताहरु महराको घर पुगेर रहम हस्तान्तरण गरेको गैर आवासीय मधेशी संघ अन्तर्राष्ट्रिय समिती सदस्य धनबिर ठाकुरले जानकारी दिएका हुन।
जनमत पार्टीका जिल्ला संयोजक दिपनारायण यादव क्षेत्र नम्बर १का क्षेत्रीय संयोजक बालकृष्ण साह र संघका अन्तर्राष्ट्रिय समिती सदस्य धनबिर ठाकुरको उपस्थितिमा राजकिशोर महराको श्रीमतीलाई २८३१० रुपैया हस्तान्तरण गरेको थियो।
महराको घरको अबस्थामा आर्थिक रुपमा पुरै कमजोर रहेको कारणले घर परिवार चलाउनको लागि आर्थिक सहयोग गरेको युवा संघका प्रतिनिधि महेश महतोले बताए।
