न्यूजमधेश डेस्क
सप्तरी ,१२ जेष्ठ । आमसञ्चार प्राधिकरण र मिडिया काउन्सिल प्रदेश २ ले सप्तरीका सञ्चारकर्मीहरूका लागि स्वास्थ्य सामग्री प्रदान गरेको छ ।
नेपाल पत्रकार महासंघ सप्तरी शाखाका अध्यक्ष श्रवण देवलाई आमसञ्चार प्राधिकरणका अध्यक्ष श्याम सुन्दर यादव र मिडिया काउन्सिलका अध्यक्ष शिबहरी भट्टराइले स्वास्थ्य सामाग्री हस्तान्तरण गरका हुन् ।
हस्तान्तरित स्वास्थ्य सामग्रीमा सर्जिकल मास्क ५० थान, एन–९५ मास्क १० थान, सेनिटाइजर १०० एमएलको २ थान, पंजा २ थान, फेस सिल्ड २ थान) रहेका छन्।
कोरोना महामारी तिब्र रुपमा फैलिदैं गर्दा अग्रपंक्तिमा रहेर समाचार संकलन गर्ने संचारकर्मीहरूका लागि स्वास्थ्य सुरक्षाका सामाग्री प्रदान गर्नु अहिलेको आवश्यकता भएको आमसञ्चार प्राधिकरणका अध्यक्ष श्याम सुन्दर यादवले बताए ।
उनले संचारकर्मीले अहिलेको विषम परिस्थितमा पनि ज्यानको बाजी थापेर समाचार संकलन तथा सम्प्रेण गरिरहेको बताए ।
स्वास्थ्य सामाग्री प्रदान गरको भन्दै महासंघ सप्तरी शाखाले आमसञ्चार प्राधिकरण र मिडिया काउन्सिललाई धन्यावाद व्यक्त गरको छ ।
