न्यूजमधेश डेस्क
काठमाडौं ,१८ जेष्ठ । जनमत पार्टीका राष्ट्रिय अध्यक्ष डा सीके राउतले विवेकशील नेपाली दलका संस्थापक तथा विवेकशिल साझा पार्टीका नेता उज्ज्वल थापाको निधनप्रति दुख व्यक्त गरेका छन् ।
नेता थापाको उपचारकै क्रममा काठमाडौं स्थित मेडिसिटी अस्पतालमा निधन भएको हो ।
डा . राउतले वैकल्पिक राजनैतिक निकास दिने जनआशामा उदय भएका एउटा लोकप्रिय र जुझारु अभियन्ताको देहान्तले स्वच्छ र पारदर्शी राजनीतिका आशांक्षीहरुको मनमा गहिरो धक्का पुगेको सामाजिक संजाल फेसबुकमा फेसबुकमा लेखेको छ ।
डा राउतले उनीप्रति श्रद्धाञ्जलि अर्पण गर्दै शोक सन्तप्त परिवारजनमा जनमत पार्टी र आफ्ना तर्फबाट हार्दिक समवेदना प्रकट गरेका छन् ।
