मनोज बनैता, लाहान : सिरहा जिल्लाका लक्ष्मीपुर पतारी गाउँपालीकामा २ बालिकाको पोखरीमा डुबेर मृत्यु भएको छ । एउटै परिवारकि दिदी बहिनीले ज्यान गुमाउँदा उक्त परिवारका सदस्य शोकको सागरमा डुबेका छन ।
लक्ष्मीपुर पतारी गाउँपालिका वडा नम्बर ४ धनछवार बस्ने नथु कुमार यादवका ६ वर्षीय छोरी लक्ष्मी कुमारी यादव र ४ वर्षीय आशुका कुमारी यादवको मृत्यु भएको जिल्ला प्रहरी कार्यलय सिरहाले जनाएको छ ।
पोखरी नजिकै खेल्ने क्रममा शुक्रबार साँझ पोखरीमा डुबेर दुबै दिदीबहिनीको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक अपिलराज बोहराले जानकारी दिएका छन ।
