न्यूजमधेश डेस्क
जनकपुरधाम,२१ जेष्ठ ।डा सीके राउत नेतृत्वको जनमत पार्टीले धनुषाको विदेह नगरपालिकामा विपन्न परिवारलाई राहत वितरण गरेको छ ।
कोरोना भाइरसको दोस्रो लहरको कारणले गरिब विपन्नलाई छाक टार्न समस्या भएपछि बिहिवार पार्टीले धनुषाको विदेह नगरपालिका वडा नम्बर १ र ४ गरि जम्मा चार जना विपन्न परिवारलाई राहत दिनुभएको हो।
राहतमा १५ किलो चावल ,२ किलो दाल,५ कोलो गहुको पिटो ( आटा ),१ किलो तेल ,१ किलो नुन,रमपम चाउचाउ ,विसकुट ,सुवाविनसहितका खाद्यान्नको प्याकेज बनाएर वितरण गरेको छ ।
जनमत पार्टीका युवा नेता तथा जनमत पार्टी विदेह नगरपालिकाका नगर प्रमुख धिरज मण्डल ,पार्टीका नेता रामकुमार मण्डल सहितका स्थानीय नेताहरुको उपस्थितिमा राहत वितरण गरेको थियो ।
