न्यूजमधेश डेस्क
काठमाडौं,२३ जेष्ठ । उपप्रधानमन्त्री राजेन्द्र महतोले आफू राष्ट्रिय एकता र अखण्डताप्रति पूर्ण प्रतिवद्ध रहेको जनाएका छन् ।
उपप्रधानमन्त्रीको सपथ खाएलगत्तै मन्त्रालयमा पदभार ग्रहण गर्नेक्रममा बहुल राष्टिन्य राज्य स्थापनाका लागि मुक्ति आन्दोलन गर्ने अभिव्यक्ति दिएर विवादमा परेका महतोले हिजो मध्यरातमा विज्ञप्ति जारी गर्दै राष्ट्रिय एकता र अखण्डताप्रति पूर्ण प्रतिवद्ध रहेको प्रष्टिकरण दिएका हुन् । साथै उनले राष्ट्रिय अखण्डताप्रति कुनै भ्रम नराख्न पनि आग्रह गरेका छन् ।
उनले संविधानप्रति रहेका असन्तुष्टिहरु संविधान संशोधनका लागि गठित कार्यदलमा आफ्नो पार्टीको धारणा राख्ने उल्लेख गरेका छन् ।
‘यो संविधानमा हाम्रा असन्तुष्टिहरु सम्बोधन गर्न गठित कार्यदलमा हाम्रा धारणा राख्ने नै छौं । म राष्ट्रिय एकता र अखण्डताप्रति पूर्ण प्रतिवद्ध छु । यस सम्बन्धमा अरु कसैलाई अन्यथा भ्रम नरहोस् भन्न चाहन्छु,’ उनले भने ।
