न्यूजमधेश डेस्क
जनकपुरधाम,२६ जेष्ठ ।जनमत पार्टीका राष्ट्रिय अध्यक्ष डा सीके राउतले पार्टीका युवा नेता ई.आलोक यादव (सागर )को निधनप्रती दु:ख व्यक्त गरेका छ्न।
जनमत पार्टी सप्तरी जिल्लाको बोदे बर्साइन नगरपालिकाका नगरप्रमुख ई .आलोक यादवको विराटनगर स्थित उपचारको क्रममा ३५ वर्षका उमेरमा निधन भएको हो।
केही समयअघि उनमा कोरोना संक्रमण देखिएपछि उपचारको अस्पताल भर्ना गरिएको थियो । उनको हिजो (मंगलबार) कोरोना परिक्षण रिपोर्ट नेगेटिभ देखिएको अस्पतालका प्रवक्ता सुनिल देवले बताए । ‘हिजो मात्रै उनको कोरोना परिक्षण रिपोर्ट नेगेटिभ देखिएको थियो तर छातीमा समस्या देखिएकाले उनलाई भेन्टिलेटरमा राखेर उपचार हुँदै आएको थियो’ उनले भने–‘उपचारकै क्रममा उनको आज विहान निधन भएको हो ।’
जनमत पार्टीका उपाध्यक्ष अब्दुल खानले जनमत पार्टीले एउटा योद्धा युवा नेता गुमाएको छ ।नेता यादवले जनमत पार्टीलाई दिएको योगदान पार्टीले कहिले भुल्ने छैनन् ।सधै आलोकको सक्रिय योगदानको स्मरण गर्दै उनीप्रति श्रद्धाञ्जलि र शोकसन्तप्त परिवारजनमा समवेदना प्रकट गरेका छन्।
