न्यूजमधेश डेस्क
जनकपुरधाम ,३१ जेष्ठ । डा सीके राउत नेतृत्वका जनमत पार्टीका जनवर्गीय संगठन विद्यार्थी जनमत संघ धनुषाले शहिदनगर नगरपालिकामा रक्तदान कार्यक्रम गरेको छ।
सोमबार शहिदनगर नगरपालिका वडा नम्बर १ कुम्भकरणमा विद्यार्थी जनतम संघ धनुषाको अध्यक्ष विजय यादवको अध्यक्षतामा २२ जनाले रक्तदान गरेको छ ।
कोरोना भाइरसको दोस्रो लहरको कारण लामो समयदेखि बन्दाबन्दी भएको कारण रक्तबैंकमा रगतको अभाव रहेको कारणले कसैको ज्यान गुमाउन नपरोस भन्ने उदेश्यका साथ रक्तदान गरेको विद्यार्थी जनमत संघ धनुषा अध्यक्ष विजय यादवले बताउनुभयो ।
नेपाल रेडक्रस सोसाइटी धनुषा प्राविधिक सहयोगमा रक्तदान कार्यक्रम सम्पन्न भएको हो ।
सो रक्तदान कार्यक्रममा स्थानीय ई मुकेश शर्माले १ काटुन फुरुटी र २ काटुन पानि सहयोग गरेको थिए।
नेपाल रेडक्रस सोसाइटी धनुषाका इन्चार्ज श्रीनारायण न्योपाने ,प्रहरी चौकी खरियानीका कार्यालय प्रमुख बिरेन्द्र पाण्डेको समेत उपस्थिति रहेको थियो ।
