१७ बैशाख २०८२, बिहिबार
01-05-2025 , Thu
×

मधेश भवनमा मधेशी सहिदको तस्विर पचेन् ,कांग्रेसका नेताहरुको तस्विर लगाए

Logo
प्रकाशित सोमबार, आषाढ १४, २०७८

न्यूजमधेश डेस्क
जनकपुरधाम ,१४ असार । प्रदेश २ सरकारको मुख्य प्रशासनिक थलो मानिएको ‘मधेस भवन’ मा नेपाली काँग्रेस भित्रिएसँगै मधेस आन्दोलनका सहिदको उपेक्षा गरिएको गुनासो बढ्न थालेको छ ।

मुख्यमन्त्री लालबाबु राउतले मन्त्रिपरिषद् विस्तार गर्दै नेपाली काँग्रेसलाई तीन मन्त्रालयसहित सत्ता साझेदार बनाएपछि काँग्रेसले सम्हालेका मन्त्रालयमा मधेस आन्दोलनका सहिदको तस्बिर हटाएर काँग्रेसका मन्त्रीहरूले आफ्नै पार्टीसम्बद्ध नेताहरूको तस्बिर राखेका छन् ।

काँग्रेसको तर्फबाट नवनियुक्त भौतिक पूर्वाधार विकास मन्त्री रामसरोज यादवले आफ्नो कार्यकक्षमा राष्ट्रप्रमुख र प्रधानमन्त्रीको फोटोसमेत नराखेर काँग्रेसकै नेताहरूको फोटो राखेका छन् । मन्त्री यादवले आफ्नो कार्यकक्षमा बस्ने कुर्सीमाथि विपी कोइराला, महेन्द्रनारायण निधि, रामनारायण मिश्रसहितका तस्बिर राखेका छन् । जबकि यसअघि सो स्थानमा मधेस आन्दोलनका सहिदको तस्बिर थियो ।

मन्त्री यादवका स्वकीय सचिव धीरेन्द्र मोहन झाले मन्त्रीको कार्यकक्षमा राष्ट्रपति र प्रधानमन्त्रीको तस्बिर पहिलादेखि नै नरहेको बताए । उनले पहिलेदेखि नै रहेका मधेस आन्दोलन तथा जनआन्दोलनका सहिदहरूको तस्बिर नहटाएको दाबीसमेत गरे । उनले भने, ‘सहिदका तस्बिरलाई अर्कोतिर सारिएको छ, हटाएका होइनौँ । बरु ४ वटा तस्बिर थप गरेका छौँ ।’

उनले मन्त्रालयलाई व्यवस्थित र चिटिक्क बनाउनका लागि मुलुकमा परिवर्तन तथा आन्दोलनकारी नेताहरूको तस्बिर भित्तामा सजाइएको बताए । उनले भने, ‘उहाँहरूको योगदान मधेसको विकासमा रहेकाले सम्मानस्वरुप तस्बिर राखिएको हो, सहिदको तस्बिरलाई अर्कोतर्फ राखिएको छ भने मन्त्रीजीको कुर्सीभन्दा माथि बिपी कोइराला, महेन्द्रनारायण निधि, रामनारायण मिश्र र सहिद दुर्गानन्द झाको फोटो राखिएको छ ।’

राष्ट्रपति र प्रधानमन्त्रीको तस्बिर पहिलादेखि नै मन्त्रालयमा नरहेको बताउँदै उनले आफूहरूले दुवैको तस्बिर राख्ने तयारी गरेको जानकारी दिए ।

यस अघिका भौतिक पूर्वाधार विकास मन्त्री जितेन्द्र सोनलले भने मधेस आन्दोलन तथा जनआन्दोलनका सहिदहरूको तस्बिर राखेका थिए । प्रायः मन्त्रालयहरूमा राष्ट्रपति र प्रधानमन्त्रीको तस्बिर राख्ने परम्परा छ । अन्य देशहरूमा समेत मन्त्रालयहरूमा राष्ट्रपति र प्रधानमन्त्रीको फोटो राख्ने चलन छ ।

डा। रामवरण यादव राष्ट्रपतिमा निर्वाचित भएपछि काँग्रेसका भ्रातृसंगठन नेपाल विद्यार्थी संघले पनि विभिन्न सरकारी कार्यालयमा राष्ट्रपतिको तस्बिर राख्नुपर्ने अभियान नै सञ्चालन गरेको थियो । तर अहिले काँग्रेसले आफ्नो भागमा परेका मन्त्रालयमा काँग्रेससम्बद्ध नेताहरूका तस्बिर राखे पनि राष्ट्रप्रमुख तथा प्रधानमन्त्रीको तस्बिरलाई भने बेवास्ता गरेको छ ।

मन्त्री यादवले मधेस तथा जनआन्दोलनका सहिदको तस्बिर हटाएकोमा मधेस आन्दोलनकारी सरोज मिश्रले आलोचना गरेका छन् । उनले मधेस तथा जनआन्दोलनमा भएका सहिदहरूले गर्दा मुलुकमा सङ्घीय लोकतान्त्रिक गणतन्त्र स्थापना भएको भन्दै सहिदको तस्बिर हटाएर काँग्रेसका मन्त्रीले सहिदकै अपमान गरेको बताए ।

सत्तारुढ जसपाभित्र कलह बढ्दै जाँदा मुख्यमन्त्री राउतले महन्थ ठाकुर पक्षका एक मन्त्री र तीनजना राज्यमन्त्रीलाई बर्खास्त गरेका थिए । लगत्तै उनले काँग्रेसलाई ३ वटा मन्त्रालय दिइ सरकारमा सहभागी गराएका थिए ।

कमेन्ट गर्नुहोस्
सम्बन्धित

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]

सिराहा : सिराहाको औरही ५ मा दीपक मलिकको घर भत्काइएको घटनाको प्रदेश सांसदद्वाय माननीय संजय कुमार यादव र जिवछी कुमारी यादवले संयुक्त रूपमा अनुगमन गरेको छ। अनुगमनका क्रममा घटनास्थलमै पुगेका उनीहरूले प्रदेश सरकारको तर्फबाट आवासको ग्यारेन्टी समेत गरेका छन्। मधेस प्रदेश सरकारबाट सञ्चालन हुने मदन भण्डारी आवास कार्यक्रम अन्तर्गत दुई कोठाको घर, किचन, बाथरूम लगायतको […]

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]