न्यूजमधेश डेस्क
जनकपुरधाम,१७ असार।धनुषा – सिरहा जोड्ने हुलाकी राजमार्ग अन्तरगत निर्माणधीन कमला नदिअको पुल भासिएको छ ।
नदीमा आएको अत्याधिक बहाबसँगै १० वर्षदेखि निर्माणाधीन पुल बिहीबार दिउँसो दुई फिट मुनी भाँसिएको हो ।
१२ वटा स्पान र १३ वटा पायामध्ये सिरहातर्फवाट दोस्रो पाया भासिएको हो । २०६८ सालमा पप्पु लुम्बिनी बिलर्डस जेभीले निर्माण थालेको पुलको काम सक्न अझैं बाँकी रहेको छ ।
७ वर्षसम्म पप्पु कन्स्ट्रकसनले सुस्त गतिमा काम गरेपछि हुलाकी राजमार्ग निर्देशनालय जनकपुरधामले हटाएर लुम्बिनी बिलर्डसलाई जिम्मेवारी सुम्पेको थियो ।
विगत तीन वर्षदेखि लुम्बिनी बिलर्डसले पुल निर्माणको काम गर्दै आएको थियो । पुल निर्माणको काम ९५ प्रतिशत मात्र पूरा भएको छ ।
चार सय ७० मीटर लम्बाई रहेको पुल भासिएपछि साउन दोस्रो साता उद्घाटन गरी यातायात संचालन गर्ने योजना तुहिएको छ ।
सतर्क रहन प्रशासनको आग्रह
यता जिल्ला प्रशासन कार्यालय सिरहाले कमला नदीको तटीय क्षेत्रका स्थानीयलाई कमला नदीमा पानीको बहाब उच्च रहेकोले सर्तक रहन आग्रह गरेको छ ।
नदीमा दुई मिटर वढी पानीको बहाब वढेको र तटबन्धलाई जोखिम पु¥याउन सक्ने भन्दै सर्तक रह्न आग्रह गरिएको सिरहाका प्रमुख जिल्ला अधिकारी प्रदीपराज कणेंलले बताए ।
