न्यूजमधेश डेस्क
जनकपुरधाम,१८ असार ।धनुषा- सिरहा जिल्लालाई जोड्ने हुलाकी राजमार्ग अन्तर्गतको कमला नदिमा निर्माणको अन्तिम चरणमा रहेको पुलको भासिएको पिलरमा शुक्रवार थप क्षति भएको छ ।
भाँसिएको पिलर माथिको ७० मिटर भाग पूर्ण रुपमा नदिमा भासिएको छ ।
बिहिवारको बाढीमा पुलको सिरहा जिल्ला तर्फवाट दोश्रो पिलर भासिएकोमा पुलको माथिको भाग नै पानीमा बसेको छ ।
यसै बीच धनुषाका प्रमुख जिल्ला अधिकारी बन्धुप्रसाद वास्तोलाको नेतृत्वमा रहेको टोलीले कमला पुलको अवस्थाको बारेमा शुक्रवार स्थलगत रुपमा अनुगमन गर्नु भएको छ ।
टोलीमा हुलाकी सडक आयोजनाका ईन्जिनियर वेचन भण्डारी, कमला नदि नियन्त्रण आयोजनाका प्रमुख डिभिजनल ईन्जिनियर एकराज भट्टराई, धनुषाका प्रहरी उपरीक्षक प्रकाशराना भाट, शसस्त्र प्रहरी नायव उपरीक्षक निर्मल खडका, राष्ट्रिय अनुसन्धान विभागका उप अनुसन्धान निर्देशक अभिनय सिंह, नेपाल रेडक्रस धनुषाका सभापति नरेशप्रसाद सिंह सहितको टोलीले भासिएको भागसम्म पुगेर अनुगमन गरेका छन् ।
