जीतेन्द्र कुमार राम,जनकपुरधाम । सोमबार अबेर राती पासो लगाएर मृत्यु भएको मुद्दामा खोजबिन गर्न प्रहरी अन्यौलमा परेका छन।गत राती जिल्लाको सवैला नगरपालिकाको वडा १ मा उक्त घटना घटेको थियो।
स्थानिय सत्रुधन यादबका नाबालिक १४ बर्षिय छोरिले पासो लगाएर आत्महत्या गरेका हुन भनेर परिवारजनको भनाइको छ भने प्रकृति हेर्दा हत्या वा आत्महत्या भने खोजबिनमा प्रहरीले ठम्याउन सकेका छैनन।
सोमबार राती झुन्डिएको छोरिको लासलाइ आफन्तजन र परिवारजनले तुरुन्तै लगेर गाउभन्दा २ किलोमीटर उत्तर पट्टिको दुरिमा प्रहरीलाई खबरै नगरी जलाउन खोज्दा इलाका प्रहरी कार्यालय सवैलाका घुमुवा टोलिले केही बलेको हेर्दा उक्त स्थानमा पुग्दा सवैको भागाभाग भएको थियो।
प्रहरीले बल्दै गरेको लास अर्ध जलेको अवस्थामा आगो निभाएर हिरासतमा राखेको थिए।मंगलबार बिहान बुबा सत्रुधन सहित सात जनालाई हिरासतमा लिए।लासलाइ पोस्टमार्टमका लागि बुबा सत्रुधन,इलाका सवैलाका टोलिले अञ्चल अस्पताल जनकपुर लगिएको बताइएको छ।
घटनाको अवस्था हेर्दा एक १४ बर्षिय केटिले आत्महत्या गर्नु एक शंकाको बिषय रहेको भन्दै थप अनुसन्धान टोलिलाइ जिल्ला प्रहरी कार्यालय धनुषालाई बोलाइएको इलाकाले जनाएको छ।
घटनामा संलग्न ६ जनाको नाम भने सार्वजनिक गरिएको छैन।
