न्यूजमधेश डेस्क
काठमाडाैं,२८ असार। सिरहामा इटालियन पेस्तोलसहित दुईजना पक्राउ परेका छन्।
प्रहरीका अनुसार पक्राउ पर्नेमा जिल्लाको मिर्चैया नगरपालिका–१० का २६ वर्षीय रामकुमार यादव र २२ वर्षीय रुपेश यादव रहेका छन्।
दुवै जनालाई सोमबार करिब ४ बजे २ नम्बर प्रदेश प्रहरी कार्यालय जनकपुर र इलाका प्रहरी कार्यालय मिर्चैयाबाट खटेको प्रहरी टोलीले पक्राउ गरेकाे हाे।
चेकजाँच गर्दा रामकुमारको साथबाट मेड इन इटाली लेखिएको अटोमेटिक पेस्तोल १ थान र त्यसमा लाग्ने म्यागजिन १ थान र टाइप ७७ लेखिएको २ राउन्ड गोली बरामद गरिएको प्रहरीले जनाएकाे छ।
