न्यूजमधेश डेस्क
काठमाडौं ,२९ असार । सरकारले दुई जना सहसचिवको सचिवमा बढुवा गरेको छ ।
सोमबार बसेको मन्त्रिपरिषद बैठकले प्रशासनतर्फ खगेन्द्र प्रसाद नेपाल र प्राविधिकतर्फ राजेन्द्रप्रसाद खनाललाई सचिवमा बढुवा गर्ने निर्णय गरेको हो ।
लोक सेवा आयोगका अध्यक्ष माधव प्रसाद रेग्मीको अध्यक्षतामा आइतबार साँझ सिंहदरवारमा बसेको बढुवा सिफारिस समितिको बैठकले प्राविधिकतर्फ एक नम्बरमा गोपालप्रसाद सिग्देल, दुइ नम्बरमा खनाल र तीन नम्बरमा सरजु कुमार वैद्यको नाम सिफारिस गरेको थियो ।
स्रोतका अनुसार बढुवा समितिले सिफारिस गरेका तीन वरिष्ठ सहसचिवमध्ये दोस्रो नम्बरमा सिफारिस खनाललाई सचिवमा बढुवा गर्ने निर्णय गरेको हो । सिग्देलको अझै समयावधि बाँकी रहेको तर खनाल केही महिनाभित्रै अवकाशमा जान लागेकोले खनाललाई सचिव बनाएको बुझिएको छ ।
