न्यूजमधेश डेस्क
रुपन्देही ,७ श्रावण ।रुपन्देहीमा विभिन्न पार्टी परित्याग गरि २१ जना जनमत पार्टीमा प्रवेश गरेका छ्न।
बिहिबार जनमत पार्टी कोटहीमाई गाउँपालिकाका अध्यक्ष सुभाष चन्द्र यादवको अध्यक्षमा पार्टी प्रवेश कार्यक्रमको प्रमुख अतिथी पार्टीका केन्द्रीय सदस्य रामकेश गुप्ता रहेको थियो ।
सो कार्यक्रममा विभिन्न पार्टी परित्याग गरि २१ जना जनमत पार्टीमा प्रवेश गरेको पार्टीका रुपन्देही जिल्ला सचीव कृष्ण कोहारले जानकारी दिनुभयो।
उनका अनुसार चन्द्र प्रसाद जयसवाल ,राजेश जयसवाल , श्याम लाल पासी , दिनेश चन्द्र पण्डेय र संजय मिश्रसहित २१ जनाले पार्टी प्रवेश गर्नुभएको हो ।उनिहरुलाई पार्टीका केन्द्रिय सदस्य गुप्ताले पार्टीका सदस्यता हस्तान्तरण गरेर पार्टीमा स्वागत गराउनु भयो।
उक्त कार्यक्रममा पार्टीका जिल्ला सदस्य विरेन्द्र लोध, इन्जिनियर जनमत संघ रुपन्देहीका जिल्ला संयोजक, वडा अध्यक्ष रामनरेश यादव, सुरेश चाईको उपस्थितमा कार्यक्रम सम्पन्न भएको छ।
