न्यूजमधेश डेस्क
जनकपुरधाम ,८ श्रावण । महोत्तरीमा बिरामी भएर उपचार गराउन अस्पताल जाँदै गरेकी एक महिलाको दुर्घटनामा परी मृत्यु भएको छ ।
उपचारका लागि प्रादेशिक अस्पताल जनकपुरधामतर्फ जाँदै गरेकी लोहारपट्टी नगरपालिका–२ बस्ने ४५ वर्षीया रामबासी देवीको मोटरसाइकल दुर्घटनामा परी मृत्यु भएको प्रहरीले जनाएको छ ।
बिरामी भएकी उनी उपचारका लागि आशाराम दासले चलाएको ज १० प ८८७४ नम्बरको मोटरसाइकलमा सवार भई जनकपुरतर्फ लैजाँदै गर्दा लोहारपट्टी नगरपालिका–२ स्थित बिगही पुल नजिकै दुर्घटना भएको थियो ।
दुर्घटनामा घाइते भएकी उनको प्रादेशिक अस्पताल जनकपुरधाममा उपचारकै क्रममा मृत्यु भएको महोत्तरी प्रहरीका प्रवक्ता एवं डीएसपी प्रकाश बिष्टले बताए ।
मोटरसाइकल चालक फरार छन् ।
