जीतेन्द्र कुमार राम
जनकपुरधाम।असन्तुष्ट ठेकेदारले नगरपालिकामा आज बिहान तालाबन्दी गरेका छन।आफुले पाएको योजनाको काम गरिसक्दा पनि नगरपालिकाले रकम नदिदा ताला लगाएका हुन।
जिल्लाकै भ्रष्टाचारमा अग्र स्थानमा रहेका तथा आपसी कलहका कारण बिकासमा पछि परेका एकमात्र सवैला नगरपालिकामा ठेकेदार ब्रहमदेव साहले तालाबन्दी गरेका छन।
दुई बर्ष पुर्व ठेकेदार साहले नगरपालिकाको कुशमाहा सतोषर र मखनाहामा पिच सडक र नाला निर्माणको ठेका पाएका थिए।जसमा आधा काम सकिदा मात्र म्याद अबधी समाप्त भएको थिए।बाकी काम गर्न गराउन ठेकेदारले रकम बुझ्न जादा नगरप्रमुख बिजय शंकर प्रसाद साह,उप प्रमुख निलु कापर तथा इन्जिनियर रंजित यादबले अटेरी गर्दैआएको जनाइएको छ।
दुबै ठाउका सडक र नाला निर्माणका लागि नगरपालिकाले ठेकेदार साहलाइ क्रमश: मखनाहाको लागि ४२ लाख र कुशमाहा को लागि ४४ लाखको रकम दिने आह्वान गरेका थिए।जसमा ठेकेदार साहले मखनाहाको बजेटमा १६ र कुशमाहाको बजेटमा मात्र ७ लाख आफू पाएको जनाएको छ।
म्याद समाप्त भएपछी पनि मेयर साहले पैसा पाए मात्र काम अगाडि बढाउनु भनेर आश्वासन दिदा पनि १७ महिना देखि आफू नगरपालिकाको दौडधुप गरिरहेको बताए।
यता इन्जिनियर रंजित यादबले बजेटको सम्पुर्ण रकम भुक्तानी गराइदिने भनेर आफूसित ७ लाख घुस मागे जसमा साढे तीन लाख दिइसकेको पश्चात् पनि आफुलाइ कुनै रकम निकासा नगरेको जनाइएको छ।
तालाबन्दी गरेपछी इलाका प्रहरी सवैलाले नगरप्रमुख,उपप्रमुख सवै बसि सहमतिको आधारमा निर्णय गरिने भनेर ताला खुलाइएको छ।
