राकेश यादव जनकपुरधाम। धनुषाको धनौजी गाउँपालिका ३ का वडा अध्यक्ष रामदुलार मण्डलले एकलौटी निर्णय गरि एकैजनाको जग्गामा रातारात सडक निर्माण गरेको छ।
नयाँ बाटो निर्माण तथा पुरानो बटोको विस्तारको क्रममा दुवै तर्फबाट आधीआधी लिनुपर्नेमा मण्डलले बलपूर्बक एकैजनाको जग्गामा सडक निर्माण गरेको स्थानीयले दावि समेत गरेको हो ।
वडा नम्बर ३ का शंकर प्रसाद साहको निजी जग्गामा एकतर्फी रुपमा सडक बनाइएको छ ।सरकारी अमिनले नापनक्सा गरिसकेको जग्गामा एकतर्फा निर्णय गरेर सडक निर्माण गरेको साहले आरोप लगाएको छ।‘जिल्ला प्रहरी कार्यालयमा छलफलगरि सरकारी अमिन खटाइएको थियो’ उनले भने, अमिनले जग्गा छुट्टयाइसकेपछि बलपूर्वक एकतर्फी रुपमा सडक निर्माण गरेको छ ।
सडक निर्माण सम्बन्धी विवाद गाउँपालिकाको न्यायिक समितिमा समेत रहेको उल्लेखगर्दै साहले भने, तर न्यायिक समितिको निर्णय आउनुभन्दा अगाडिनै सडक निर्माण गरेको छ ।
