कमल कुमार मण्डल
राजविराज, ३२ श्रावण ।सप्तरीसहित तराई मधेशको विभिन्न ठाउँमा रहेका शिवालयहरुमा पूजा गर्न भक्तजनहरुको घुइँचो लागेको छ ।
आज साउन महिनाको अन्तिम सोमवारकादिन भएकोले भगवान शिवको पुजापाठगरिनुका साथै उपवास रहेर व्रत समेत बस्ने गरेका छन ।
सप्तरीको शम्भुनाथ नगरपालिकास्थित शम्भुनाथ मन्दिर, महदेवा गाउँपालिका स्थित अंकुरी महादेव, राजविराज बजार स्थित शिवमन्दिर, कञ्चनरुप नगरपालिका स्थित शिवपार्वती मन्दिर, हनुमाननगरको शिव मन्दिर तथा फत्तेपुर स्थित शिवालयलगायतका विभिन्न ठाउँमा रहेका शिवमन्दिरमा पुजापाठ गर्न श्रद्धालुभक्तजनहरुको भिड छ ।
विहानैदेखी बेलपत्र, फुलमाला, मिठाइ प्रसाद, फलफुल आदि लिएर भक्तजनहरुले शिवालयहरुमा पुजापाठ गदैछन् ।
‘आज (सोमवार) मात्रै १ बजेसम्म १० हजार भन्दा बढी श्रद्धालुभक्तजनहरुले महदेवा स्थित अंकुरी महादेव मन्दिरमा जल चढाइएको’ मन्दिरका पुजारी पवन गीरीले भने– ‘अघिल्लो सोमवारका दिनमा पनि भक्तजनहरुको उत्साहजनक उपस्थिती रहे पनि यस सोमवार दोब्बर भक्तजनहरु आएका छन् ।
पुजा गर्न आउने काँवरिया भक्तजनहरुलाई विश्राम गर्नकालागि सर्वत, फलफुल, प्रसादलागायतका साम्रगीहरु सहयोग गरिएका सम्पुर्ण दाताहरुलाई उनले धन्यवाद समेत दिए ।
साउन महिनामा सोमवारकादिन व्रत बसेर विधि पुर्वक शिव भगवानको पुजाअराधना गर्दा दिर्घायु, सुख, शान्ति तथा मनोकामना पुरा हुने जनविश्वास रहेको छ ।
