न्यूजमधेश डेस्क
काठमाडौं,१८ भाद्र । गर्भवती भएपछि प्रियंकाको चमक नै अर्कै छ। कलाकारिता पनि बहुप्रतिभा भएकी उनी विगत केही महिनायता कला क्षेत्रसँग जोडिएको कुनै पनि बिदामा देखिएकी छैनन्। न उनले म्युजिक भिडियो नै खेलेकी छिन्, न कुनै सार्वजनिक कार्यक्रममा नै देखिएकी छिन्।
गर्भवती प्रियंका अहिले देखिने भनेको सामाजिक सञ्जालमार्फत् हो। यही महिना आमा बन्ने प्रियंका सामाजिक सञ्जालमा आफ्नो तस्बिर राख्नमा उनलाई भ्याइ-नभ्याइ छ। समय-समयमा प्रेग्नेन्सीसँग जोडिएका फोटोसुट र कार्यक्रममा जानमा व्यस्त छिन् उनी। यीसँगै आफ्नो प्रेग्नेन्सीसँग जोडिएका विषयमा आफ्न युट्युब च्यानलमा भिडियो हाल्ने त उनले गरेकै छिन्।
हालसालै प्रियंकाले आफ्नो सन्तान हातमा लिनलाई आतुर रहेको बताएकी छिन्। बिहीबार सामाजिक सञ्जाल फेसबुकमा आफ्नो तस्बिर राख्दै प्रियंकाले सन्तानलाई हातमा लिन दिन गनिरहेको बताएकी छिन्। उनले लेखेकी छिन्, ‘मेरो सानो मान्छे, तिमीलाई हातमा उठाउन म दिन गनिरहेकी छु।’
