न्यूजमधेश डेस्क
वीरगञ्ज ,२० भाद्र। पर्साको ठोरीमा निःशुल्क स्वास्थ्य शिविर सम्पन्न भएको छ ।
पर्सा हेल्थ क्लिनिकको आयोजना सञ्चालित शिविरमा ३ सयभन्दा बढीले स्वास्थ्य जाँच गराएका छन् ।
शिविरमा बालकदेखि ९२ वर्षका वृद्धसम्मले स्वास्थ्य जाँच गराएको शिविरको संयोजन गरेका पत्रकार नवराज फुयाँलले बताए । फुयाँलका अनुसार शिविरमा स्वास्थ्य जाँच गराएकाहरुलाई निःशुल्क औषधिसमेत वितरण गरिएको थियो ।
ठोरी गाउँपालिका–१ स्थित श्री नेपाल राष्ट्रिय प्राविधिक माविमा आयोजित शिविरमा फिजिसियन डा. सरोज रोशन दास, स्त्री रोग विशेषज्ञ डा. प्रवीण शाह, दन्त रोग विशेषज्ञ डा. प्रिया जैसवालले बिरामीहरुको स्वास्थ्य जाँच गरेका थिए ।
शिविरको उद्घाटन नेपाली कांग्रेसका महासमिति सदस्य बृहस्पति कृष्ण श्रेष्ठले गरेका थिए ।
सप्तरीमा सयौं जना जनमत पार्टीमा प्रवेश