न्यूजमधेश डेस्क
जनकपुरधाम,२२ भाद्र ।डा सीके राउत नेतृत्वको जनमत पार्टीका कार्यकर्ताहरुले क्यान्सर पिडीत अमृता शर्मालाई आर्थिक सहयोग गर्नुभएको छ।
सोमबार डा राउतको समर्थकहरुको आरजिपि स्वराजी युवा ग्रुपको सहयोगमा क्यान्सर पिडीत अमृता शर्मालाई जनमत पार्टीका नेताहरुले ३१ हजार ६ सय ५५ रुपैया पीडित शर्माको घरमै पुगेर रकम हस्तान्तरण गरेको छ ।
पिडीत अमृता शर्मा अग्निसाईर कृष्णासवरण गाउँपालिका वार्ड नम्बर-५ का स्थानिय स्वमहादेव शर्माकी छोरी हुन् ।
उनको भरतपुर कयान्सर हस्पिटलमा उपचार भइरहेको जनमत पार्टी सप्तरी जिल्ला अध्यक्ष चन्देश्वर मण्डलले जानकारी दिए ।
सहयोग रकम प्रदान गर्न जनमत पार्टीका केन्द्रिय सदस्य सुरेन्द शर्मा मधेशी, जिल्ला अध्यक्ष चन्देश्वर मण्डल र नगर सचिव ललित यादव, युवा जनमत संघ सप्तरी मनोज यादव,समाज कल्याण विभाग सप्तरीका संयोजक संजय यादवसहितका नेता तथा कार्यकर्ताहरु पीडित शर्मालाई रकम हस्तान्तरण गरेका छन।
