न्यूजमधेश डेस्क
जनकपुरधाम ,२२ भाद्र । अख्तियार दुरुपयोग अनुसन्धान आयोज बर्दिवासको टोलिले धनुषाबाट एक जना नायव सुब्बालाई घुससहित रंगेहात पक्राउ गरेको छ ।
पक्राउ पर्नेमा जिल्ला प्रसाशन कार्यलय धनुषाका नायब सुब्बा उमेश चौधरीलाई रहेको छ ।
नायब सुब्बा चौधरी जनकपुरधाम उपमहानगरपालिका वडा नम्बर ४ स्थित क्याम्पस चौकको एक होटलमा सेवाग्राहीसँग ८ हजार ५ सय रुपैया घुस लिदै गरेको अवस्थामा पक्राउ परेका हुन् ।
सोही बेला अख्तियार दुरुपयोग अनुसन्धान आयोगको कार्यालय बर्दिबासबाट आएको टोली नायव सुब्बा चौधरीलाई पक्राउ गरेको छ ।
नागरिकताको प्रतिलिपिमा उमेर सच्याइदिने भन्दै सेवाग्राहीसँग नासु चौधरीले घुस लिएका थिए । कानूनी प्रक्रिया पुरा गरी अख्तियारको टोलीले आवश्यक कारबाही गर्न उनलाई बर्दिबास लगेको बताइएको छ ।
धनुषामा पछिल्लो समय भ्रष्टाचार बढेपछि अख्तियारका अधिकारीले निगरानी बढाएको छ ।
