न्यूजमधेश डेस्क
जनकपुरधाम,२२ भाद्र।धनुषाको जनकनन्दिनी गाउँपालिकाका ४ जना वडासदस्यले लोकतान्त्रिक समाजवादी पार्टी रोजेका छ्न।
तत्कालीन संघिय समाजवादी पार्टीबाट निर्वाचित भएका चार जना वडा सदस्यले प्रदेश निर्वाचन कार्यलयमा जनकपुरधाम पुगेर लोसपामा रहेको सनाखत गरेका हुन।
सनाखत गर्ने सदस्यहरुमा गाउँपालिकाका वडा नम्बर १ का जान मोहम्मद र वडा नम्बर ६ का महिन्द्र सहनीले आज सनाखत गरेका छ्न ।भने वडा नम्बर १ का उपेन्द्र यादव र अनार देवी सादाले सोमबार नै लोसपाको पक्षमा सनाखत गरेको थिए।
साथै जनता समाजवादी पार्टीका युवा नेता दिपिन देव यादवले पनि लोसपामा प्रवेश गरेको युवा नेता सुनिल यादवले जानकारी दिएका छ्न ।
उनले भने,’तत्कालीन संघीय समाजवादी पार्टीबाट जनकनन्दिनी गाउँपालिकामा अध्यक्ष पदमा चुनाव समेत लडेका थिए।यादव करिब ८ सय मतले मात्र चुनाव हारेको थियो ।’
निर्वाचन कार्यलयमा लोसपाका जनकनन्दिनी गाउँपालिकाका अध्यक्ष सुनिल मण्डल ,युवा नेता सुनिल यादव,दिपिन देव यादव,मुकेश यादव ,जिबछ पगैहिया र नरेश यादवले वडा सदस्यहरुलाई लोसपामा सनाखत गराउन सफल भएका हुन।
