०३ साउन २०८१, शुक्रबार
19-07-2024 , Fri
×

इन्द्रदेव यादव बन्ने प्रदेश २ कै उत्कृष्ट सिडियो

Logo
प्रकाशित शुक्रबार, भाद्र २५, २०७८

न्यूजमधेश डेस्क
जनकपुरधाम ,२५ भाद्र । गृह मन्त्रालयको कार्यसम्पादन मुल्यांकनमा प्रदेश २ को रौतहट जिल्ला प्रथम हुन सफल भएको छ । गृह मन्त्रालयका सहसचिव कमलराज ढकालका अनुसार मन्त्रालयले सार्वजनिक गरेको गत आर्थिक वर्ष २०७७÷७८ को कार्यसम्पादन मुल्यांकनको नतिजामा रौतहट पहिलोे नम्बरमा परेको हो ।

जिल्लाका प्रमुख जिल्ला अधिकारी(सिडियो) ईन्द्रदेव यादव कार्यसम्पादनमा विभिन्न कठिनाईका बावजुद प्रथम हुन सफल भएको हो । सुरक्षा लगायतका कार्यसम्पादनमा प्रदेश २ मा पहिलो साथै देशभरका अन्य जिल्लाहरुलाई समेत उछिन्दै कार्यसम्पादनमा १९ औं नम्बरमा आउनु खुसीको कुरा भएको प्रमुख जिल्ला अधिकारी ईन्द्रदेव यादवले बताए ।

विभिन्न कठिनाईका बावजुद पनि आफूले गरेको कार्यसम्पादनको आधारमा गृहले गरेको मुल्यांकनले आगामी दिनको कार्यसम्पादनमा थप उत्साह थपेको प्रमुख जिल्ला अधिकारी यादवको भनाइ छ ।

शान्ति सुरक्षा, अपराध नियन्त्रण, सुशासन, सेवा प्रवाह, लागूऔषध नियन्त्रण, विपद् जोखिम न्यूनीकरण तथा व्यवस्थापन, विकास निर्माण अनुगमन र आर्थिक अनुशासनको आधारमा कार्यसम्पादन मूल्यांकन नतिजा निकालिएकोे छ ।

प्रमुख जिल्ला अधिकारी यादवले एक बर्ष अधि मात्र रौतहटको प्रजिअको रुपमा कार्यभार सम्हालेका थिए ।

प्रदेश २ को रौतहट जिल्लाको उत्कृष्ट प्रमुख जिल्ला अधिकारी धोषित भएपछि खुशी व्यक्त गर्दै अगामी दिनमा प्रदेशको उत्कृष्ट मात्र होईन देशकै उत्कृष्ट जिल्ला घोषणाको निमति सहयोग र समन्वयको लागि आग्रह गरे ।

प्रमुख जिल्ला अधिकारी यादव पनि प्रदेश २ सिरहाका हुन् । यस अघि पनि उनी प्रदेश २ का अन्य जिल्लाहरुका विभिन्न कार्यालयहरुमा उत्कृष्ट एवंम प्रशंसनीय कार्यहरु गर्दै आएका थिए ।

प्रशासनिक ज्ञानमा अब्बल मानिएका प्रमुख जिल्ला अधिकारी यादवलाई एक बर्ष अधि सह सचिवमा उतिर्ण हुँदै प्रदेश २ मा बढी अपराधिक गतिविधि हुने जिल्ला रौतहटकै कार्यभार सम्हाल्न जिम्मेवारी दिएर गृह मन्त्रालयले पठाएका थिए ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]