न्यूजमधेश डेस्क
जनकपुरधाम ,३ असोज । डा सीके राउत नेतृत्वको जनमत पार्टीले धनुषासहित मधेशभरी संविधान दिवसलाई कालो दिवसको रुपमा मनाएको छ ।
जनमत पार्टीले विभिन्न कार्यक्रमको आयोजना गरि आज असोज ३ गते संविधान दिवसलाई कालो दिवसको रुपमा मनाएको हो ।
जनमत पार्टी कमला नगरपालिकाका नगर कार्यसमितिले श्रद्धाञ्जली कार्यक्रम गरि कालो दिवस मनाएको छ ।भने सहिद नगरपालिकामा मोटरसाइल र्याली निकालेको थिए ।धनुषा जिल्लाको विभिन्न नगरपालिका ,गाउँपालिका ,वडाहरुमा व्लायक आउट गरेर कालो दिवस मानेको हो ।
सिरहाको विभिन्न स्थानमा संविधान संशोधनको माग गर्दै विरोध प्रदर्शन गरेका हुन् ।
सप्तरीको रुपनी नगरपालिकामा जनमत पार्टीका नेता कार्यकर्ताहरुले २०७२ सालमा जारि भएको संविधान मधेश बिरोधी संविधान गरेको भन्दै संविधानको प्रतिलिमलाई जलाएको छ ।
सुनसरी ,झापा ,मोरंग ,महोत्तरी ,सर्लाही ,बारा ,पर्सा रुपन्देही ,कैलाली ,बाँके ,बर्दिया ,कंचनपुर ,नवलपरासीसहित मधेशका जिल्लाहरुमा जनमत पार्टीका नेता तथा कार्यकर्ताहरुले संविधानको विरोध विभिन्न विरोधनात्मक कार्यक्रम गरेर कालो दिवसको रुपमा मनाएको जनमत पार्टीका केन्द्रीय सचिवालय प्रमुख राम नारायण साहले बताए ।
उनले भने ‘जब सम्म मधेशीको सम्पूर्ण अधिकार संविधानमा लेख्दैन ,तबसम्म जनमत पार्टीले संविधान दिवसलाई कालो दिवसकै रुपमा मनाउने भनेको छ ।’
हेर्नुस फोटोहरु
