न्यूजमधेश डेस्क
राजविराज, ४ असोज । जनमत पार्टीका अध्यक्ष डा.सिके राउतले आगामी निर्वाचनमा पार्टीका उम्मेदवारलाई विजयी गराउनु नै हाम्रो पहिलो लक्ष्य हुनुपर्ने कार्यकर्ताहरुलाई निर्देशन दिएका छन् ।

जनमत पार्टी जिल्ला समन्वय समिति सप्तरीको पुुुर्ण बैठक कार्यक्रममा सहभागी भएका कार्यकर्ताहरुलाई यस्तो निर्देशन दिएका हुन् ।

‘आगामी निर्वाचनमा हाम्रा उम्मेदवारीहरु कसरी जित्छ, त्यसको लागि गृह कार्यमा लाग्नुस्, स्थानीय वृद्धवृद्धा, अनुभवी, समाजका अगुवा र वुद्धिजीवीहरुसँग सद्भावपूर्ण समन्वय गर्नुस्’ उनले भने–‘यी सबै पक्षलाई समेटेर हामीलाई अघि बढ्नुछ ।’

उनले सद्भाव राखेर सहानुभुति लिने कोसिसमा लाग्न पनि कार्यकर्ताहरुलाई सुझाव व्यक्त गरे ।

‘जनतालाई तपाईप्रति भरोसा र विश्वास हुनुपर्छ, त्यसकालागि जनताको समस्यालाई हामीले समाधान दिनसक्छौं भन्ने विश्वास दिलाउनुस्’ उनले भने–‘यसमा सहानुभुति, सहकार्य र सद्भाव आवश्यक छ ।’

उनले मधेशी जनताको हक अधिकार सुनिश्चित गर्न जनमत पार्टीलाई भोट हाल्नैपर्ने दावी समेत गरे । जनमत पार्टी सप्तरीका अध्यक्ष चन्देश्वर मण्डल (किसान)को अध्यक्षतामा कार्यक्रमको आयोजना गरिएको थियो ।

पार्टीका जिल्ला सचिव थानेश्वर प्रसाद साहले सञ्चालन गरेको कार्यक्रममा विभिन्न पार्टी परित्याग गरी १ सय कार्यकर्ताहरु जनमत पार्टीमा प्रवेश गरेका छन् ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

संचालक  : मनोज कुमार मोरबैता
सम्पादक : मनोज बनैता

वरिष्ठ सल्लाहकार : बिपी साह
वरिष्ठ  सल्लाहकार : श्रवण देव

वरिष्ठ  सल्लाहकार : मोहन सिंह
वरिष्ठ  सल्लाहकार  : सन्तोष जादब

सम्पर्क

सि . एन . ए . मिडिया नेटवर्क प्रा.लि.

जनकपुरधाम , धनुषा ( नेपाल )
सम्पर्क : ९८४४५२०३२० ,९८०७७४९०००
ईमेल : [email protected] , [email protected]

Copyright © 2018-2021 News Madhesh