राजविराज, ५ असार ।
सप्तरीमा सोमवार सवारी दुर्घटना हुँदा एक जना को मृत्यु भएको छ । खडक नगरपालिका वडा नम्बर ६ विरपुर स्थित पुर्व पश्चिम लोकमार्गामा पिकअपले मोटरसाइकलको ठक्कर दिदाँ मोटरसाईकल चालकको मृत्यु भएको हो ।
पुर्व पश्चिम लाकमार्ग अन्तर्गत पुर्वतर्फबाट पश्चिमतिर जादै गरेको बा १४ च ६२७९ नम्बरको पिकअप र विपरीत दिशाबाट जादै गरेको रहल ना ३७ प ३८९४ नम्बरको मोटरसाइकल एक आपसमा ठोक्किदा मोटरसाइकल चालकको मृत्यु भएको प्रहरीले जनाएको छ । पर्सा जिल्लाको जिरा भवानी ३ को श्याम सुन्दर प्रसाद थारुको ३७ वर्षीय छोरा शिवशक्ती चौधरी गम्भीर घाइल भए पश्चात उपचारकालागि अस्पताल गएपश्चात डाक्टरले मृत घोषणा गरिएको प्रहरीले जनाएको छ ।
उक्त सम्बन्धमा थप अनुसन्धान भइरहेको जिल्ला प्रहरी कार्यालय सप्तरीका प्रहरी नायब उपरीक्षक माधव प्रसाद काफ्लेले जानकारी दिए ।
