राजविराज, ९ असाेज । जनमत पार्टीको केन्द्रिय सदस्य निर्मल कुमार मण्डलले जनमत पार्टीले मात्र राम राज (जनताराज) स्थापना गर्न सक्ने बताए । सप्तरीको तिलाठी कोइलाडी गाउँपालिकामा पार्टीको गाउँपालिका अधिवेशनमा बोल्दै उनले यस्तो बताएका हुन् ।
“भोट दिएर जिताएकै नेताबाट हामीलाई समस्या खेप्नुपर्दै आएको” प्रमुख अतिथि मण्डलले भने– “समाजका विभिन्न समस्याबाट मुक्ति गराउन जनमत पार्टी आएको हो ।” उनले लाउडस्पीकर छापमा मतदान गरि जनमत पार्टीलाई विजय बनाउन आग्रह समेत गरे ।
सोही पालिका स्थित जिरिया हाटको प्रांगणमा आज (शनिवार) आयोजना गरिएको प्रथम गाउँपालिका अधिवेशनमा विभिन्न वडाबाट नेता, कार्यकर्ता तथा स्थानियबासिहरुको उत्साहजनक उपस्थिती रहेको थियो । शुशिल कुमार मण्डलको अध्यक्षता तथा केन्द्रिय सदस्य निर्मल कुमार मण्डलको प्रमुख आतिथ्यमा कार्यक्रम आयाेजना गरिएको थियो । शुशिल कुमार मण्डलको नेतृत्वमा गठन गरिएको समितिको उपाध्यक्षमा डा. विजय यादव, महिला उपाध्यक्षमा संगीता देवी खंग, सचिवमा सुर्य देव मण्डल, सहसचिवमा मो. जाकिर र कोषाध्यक्षमा देवकुमार साहलाई चयन गरेका छन् । यसैगरि सदस्यमा विरेन्द्र कुमार मण्डल, वैदानन्द मण्डल, विषुणदेव मण्डल, रानीे देवी मण्डल, मिलन देवी मण्डल, शिवेन्द्र मण्डल, जितेन्द्र मण्डल, धमेन्द्र कुमार मण्डल, शान्ति देवी साह, विष्णु यादव, केश्वर मण्डल, प्रकाश कुमार मण्डल, दिपेन्द्र कुमार मण्डल (मैन्जन), कुसमी देवी मण्डल, गुब्दी देवी खंग रहेका छन् ।
त्यसैगरि पद्येन सदस्यमा सञ्जय कुमार यादव, रामचरित्र मण्डल, मोहित चौधरी, कृष्णा कुमार मण्डल, राजु मुखिया, केशव साह, केशब मण्डल, भरत कुमार ठाकुररहेका सोही पार्टीका वडा नम्बर ७ का अध्यक्ष केशव मण्डलले जानकारी दिए ।
