जनकपुरधाम । निरन्तर वर्षा भएको कारणले कमला नदीमा बाढी आएपछि शुक्रबारदेखिनै बाढिमा फसेको कमला पुल निर्माण कार्यमा खटेका इन्जिनियर ९ जना कामदारलाई नेपाली सेनाले जिवितै उद्धार गरेका छ्न। सबै जना कामदारलाई सेनाले हेलिकोप्टरबाट उद्धार गर्न सफल भएको छ।
हुलाकी राजमार्गमा अन्तरगत कमला नदिमा पुल निर्माण भइरहेको पुल निरिक्षण गर्न गएका हुलाकी सडक आयोजनाका इञ्जिनियर जामुन यादवसहित ९ जनालाई सेनाको टोलीले हेलिकोप्टरमार्फत् कमला नदीको बाढीको बीचबाट शनिबार साँझ उनिहरुलाई जिवितै उद्धार गर्न सफल भएको छ।यो प्राविधिक टोली सिराहा र धनुषाको सीमामा पर्ने बसपिट्टामा कमलाको बाढीले छेकिएर फसेको थिए। शुक्रबार रातभरि र शनिबार दिनभरि उनीहरु कमला नदिको विचमानै बाढिको कारणले फसेका थिए।
कमला नदीको पुल निर्माणस्थलमा इन्जिनियर जामुन यादव, एक्साभेटर चालक भोला मण्डल, इन्दल पटेल, चौकीदार कमला दास, मुखलाल दास, मजदुरहरु रविन मण्डल, सञ्जीत मण्डल, सन्तोष मुखिया र मनिष शर्मा नदीमा फसेका थिए। पुलको अनुगमनमा इञ्जिनियरसहित कमला खोला पुगेका ९ जना प्राविधिकको टोली बाढीका कारण थुनिएका थिए।
शुक्रबारदेखि अलपत्र परेका उनीहरुको उद्धारका लागि हेलिकप्टरमार्फत् लिफ्ट गराउने प्रयास मौसमका कारण सफल हुन सकेको थिएन।निरन्तर वर्षा र मौसम खराब भएको कारणले हेलिकोप्टर उद्वार गर्न सकिएको थिएन । टोली उभिएको ठाउँमा पानी पुग्न एक फिट मात्र्र बॉकी रहेको अवस्थामा सेनाले उनीहरुलाई बचाएको हो । पुल बनाउन पुगेको टोलीमा इन्जिनियर यादव, दुईजना चौकीदार, एक्साभेटर चालकसहित व्यक्तिलाई उद्वार गरेका छ्न।
