२८ आषाढ २०८२, आइतबार
13-07-2025 , Sun
×

मुख्यमन्त्रीकाे अर्काे काण्ड , ‘छोरी बीमा’ कार्यक्रममा पनि करोडौ भ्रष्टाचार

Logo
प्रकाशित सोमबार, आश्विन १८, २०७८

न्यूजमधेश डेस्क
जनकपुरधाम ,१८ असोज। प्रदेश २ सरकारले अघि सारेको मुख्यमन्त्री ‘बेटी पढाउ, बेटी बचाउ’ कार्यक्रम अन्तरगत विद्यालयमा अध्ययनरत छात्राहरुलाई वितरण गर्न साइकल खरिदमा अनियमितता भएको विषयमा चर्चा भइरहँदा त्यही कार्यक्रम अन्तर्गतको ‘छोरी शिक्षा बीमा’मा पनि ब्यापक अनियमितता भएको पाइएको छ ।

मुख्यमन्त्री ‘बेटी पढाउ, बेटी बचाउ’ अभियान नाम दिएर निकै नै तामझामका साथ ल्याइएको कार्यक्रममध्ये ‘छोरी शिक्षा बीमा’ कार्यक्रम अहिले रोकिएको छ । गएको २०७५ माग १ गतेयता जन्मिएका प्रदेशका सबै छोरीहरुको प्रदेश सरकारले निशुल्क बीमा गरिदिने घोषणा मुख्यमन्त्री लालबाबु राउत गद्दीले गरेका थिए ।

कार्यक्रम अन्तर्गत माघ १ गतेपछि जन्मिएको बालिकाहरूलाई १ लाख २५ हजारको बीमा प्रदेश सरकारले गरिदिने गरेको थियो । बीमाका लागि प्रदेश सरकार र प्रभु बैंकबीच सम्झौता नै भएर काम पनि भएको थियो । तर गएको वर्षदेखि भने यो कार्यक्रम रोकिएको छ ।

महालेखाको प्रतिवेदनले ‘छोरी शिक्षा बीमा’को नाममा प्रदेश सरकारले गरेको खर्चको विषयमा प्रश्न उठाएको छ ।

प्रदेश सरकारले प्रदेशभरीका २ हजार ७ सय ७८ छोरीको बीमा गर्दा १४ करोड ९९ लाख ८७ हजार रुपैयाँ बैंकमा उपलब्ध गराएको जनाएको छ । तर ती छोरीहरुको मुद्दती खाता संचालन भए नभएको तथा बीमा पोलिसी जारी गरे नगरेको प्रमाण भने प्रदेश सरकारले दिन सकेको छैन । यसले छोरी बीमाको नाममा पनि अनियमितता भएको महालेखाको प्रतिबेदनले उल्लेख गरेको हो ।

प्रदेश सरकारले छोरी बीमा बापत एक छोरीको एक पटकमा ३७ हजार रुपैयाँका दरले २ हजार ७ सय ७८ छोरीको नाउँमा प्रदेश सरकारले प्रभु बैंकमा प१४ करोड ९९ लाख ८७ हजार रुपैयाँ एकमुष्ट जम्मा गरेको थियो ।

महालेखाको प्रतिबेदनले तोकिएको कार्यमा खर्च भएको सुनिश्चितता नभएको देखिएको भन्दै प्रदेश सरकारको काम प्रति प्रश्न उठाएको हो ।

साइकल वितरणमा अनियमितता भएको बारे बुधबारमात्रै मुख्यमन्त्रीको कार्यालयमा अख्तियारले छापामारी गरेर आवश्यक फाइल नियन्त्रणमा लिएको छ । छोरी बीमा कार्यक्रममा पनि मुख्यमन्त्री कार्यालयले उस्तै अनियमितता गरेको भन्दै यसबारेमा पनि छानविन हुनुपर्ने अहिले सामाजिक सञ्जालमा आवाज उठेको छ ।

‘छोरी बीमा’ कार्यक्रमका लागि प्रदेशका ८ वटै जिल्लामा खटाइएका प्रतिनिधिमा मुख्यमन्त्रीले आफ्ना मान्छे भर्ति गरेको भन्दै आलोचना पनि भइरहेको छ ।-दिशा निर्देशन

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]