१७ आषाढ २०८२, बुधबार
02-07-2025 , Wed
×

मन्त्रीको नाम टुंगो लागेसँगै दलहरुभित्र भाँडभैलो

Logo
प्रकाशित शुक्रबार, आश्विन २२, २०७८

न्यूजमधेश डेस्क
काठमाडौं, २२ असोज । सत्ता गठबन्धनका दलहरुमा मन्त्रीको टुंगो लागेको छ । नेपाली काँग्रेसको रामचन्द्र पौडेल समूहबाहेक सबैले मन्त्रीको सूची प्रधानमन्त्री शेरबहादुर देउवालाई बुझाइसकेका छन् ।

मन्त्रीको टुंगो लगाउन दलहरुलाई निकै सकस परेको छ । टुंगो लागेपछि व्यापक असन्तुष्टि देखिएको छ ।

नेपाली काँग्रेसको पौडेल समूहले २ मन्त्रीको टुंगो लगाउन सकेको छैन । त्यहाँ विभिन्न उपगुटबीच विवाद बढेको छ । त्यसले पौडेल समूह छिन्नभिन्न हुने अवस्था विकास भएको छ ।

नेकपा माओवादी केन्द्रमा मन्त्रीका आकांक्षी धेरै थिए । यसपटक प्रचण्डले मन्त्री बनाउँदा जनजातिलाई उपेक्षा गरेको भन्दै असन्तुष्टि बढेको छ । विगतमा रोल्पा र वरपरका माओवादी प्रभाव क्षेत्रबाट निर्वाचितलाई मन्त्री बनाउने गरेकोमा प्रचण्डले फरक शैली अपनाएका छन् । यसले त्यस क्षेत्रका सांसदहरु असन्तुष्ट बनेको बुझिएको छ ।

नेकपा एसमा पनि मन्त्री बन्न नपाएकाहरुले असन्तुष्टि प्रकट गर्न थालेका छन् । एमाले विभाजन हुँदा जोखिम मोलेर नेकपा एसमा लागेकाहरुमध्ये कतिपय मन्त्री बन्न चाहिरहेका थिए । तर, नेपालले मन्त्री चयन गर्दा नाम नराखेपछि असन्तुष्ट भएका हुन् ।

जसपाभित्र मन्त्री चयनप्रति तिव्र असन्तुष्टि व्यक्त हुन थालेको छ । रेनु यादवलाई पटक पटक मौका दिएको भन्दै उपेन्द्र यादवप्रति सांसदहरुले असन्तुष्टि पोख्न थालेका छन् । राजेन्द्र श्रेष्ठ जसपाको जनाधार नभएको क्षेत्रको समानुपातिकतर्फको सांसद भन्दै मन्त्री बनाएकोमा असन्तुष्टि देखिएको छ ।

प्रधानमन्त्री देउवाले सरकार बनेको ३ महिना पुग्दै लाग्दा मन्त्रिमण्डललाई पूर्णता दिन खोज्दा दलहरुमा भाडभैलो मच्चिएको छ । तर, देउवाले आफ्नो समूहलाई भने एकतावद्ध नै बनाइराख्न सके ।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]