न्यूजमधेश डेस्क
काठमाडौं,२२ असोज । जसपाका सांसद प्रमोद साह मन्त्री बन्नबाट वञ्चित भएका छन् । ८८ दिनमा प्रधानमन्त्री शेरबहादुर देउवाले आज मन्त्रिमण्डललाई पूर्णता दिएका छन् ।

मन्त्रिपरिषदको २५ जनाको कोटा पूरा नहुने बेलासम्म जसपाबाट मन्त्री बन्नेहरुमा सांसद साहको नाम चर्चामा थियो । कतिसम्म भने आज विहानसम्म साह मन्त्री बन्ने निश्चित प्राय भइसकेको थियो ।

समाचारमा समेत उनको नाम आइसकेको थियो । मन्त्री बन्नेमा उनी ढुक्क थिए । अग्रिम बधाई थापिरहेका थिए । सपथ ग्रहण गर्न मधेसी परिहन आइरन लगाएर ठिक्क पारेका थिए । तर अन्तिममा उनी फालिए । मन्त्री छनोट गर्ने जिम्मा पाएका उपेन्द्र यादव, बाबुराम भट्टराई र अशोक राईले साहको नाम छनोट गरेका थिए । नाम छनोट गरेर बाबुराम उपत्यका बाहिर गइसकेका छन् ।

तर अन्तिममा अध्यक्ष उपेन्द्र यादवले एकलौटी रुपमा साहको नाम काटेर आफ्नै थरमा महिन्द्रराय यादवलाई च्यापे । तत्कालीन एकीकृत जसपाको अन्तरकलहमा साह उपेन्द्रतिर लागेका थिए । गत चुनावमा राजपाबाट संघीय सांसद निर्वाचित साह राजेन्द्र महतो निकट मानिन्थे ।

केपी ओलीको पालामा जसपा महन्थ ठाकुरबाट ११ जना मन्त्री बन्दा आफूलाई नसमेटिएपछि उनी असन्तुष्ट बनेका थिए । पार्टीभित्रको बढ्दो अन्तरकलह र नयाँ सरकारमा मन्त्री बनाउने उपेन्द्रको आश्वासनबीच उनले उपेन्द्र-बाबुराम समूह रोजेका थिए ।

पछि पार्टी फुटेपछि उनी महन्थ ठाकुरको लोकतान्त्रिक समाजवादी पार्टी (लोसपा)मा नगएर उपेन्द्रसँगै जसपामा बसेका थिए । जुन मन्त्रीका लागि उनले आफ्नो पुरानो घर त्यागे, पुराना अभिभावक त्यागे, आज त्यहीँ मन्त्रीको लोभले उनलाई घर न घाटको बनाएको छ ।

उपेन्द्रले पनि लात हानेका छन् । उनको ठाउँमा यादवलाई च्यापेका छन् ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

संचालक  : मनोज कुमार मोरबैता
सम्पादक : मनोज बनैता

वरिष्ठ सल्लाहकार : बिपी साह
वरिष्ठ  सल्लाहकार : श्रवण देव

वरिष्ठ  सल्लाहकार : मोहन सिंह
वरिष्ठ  सल्लाहकार  : सन्तोष जादब

सम्पर्क

सि . एन . ए . मिडिया नेटवर्क प्रा.लि.

जनकपुरधाम , धनुषा ( नेपाल )
सम्पर्क : ९८४४५२०३२० ,९८०७७४९०००
ईमेल : [email protected] , [email protected]

Copyright © 2018-2021 News Madhesh