न्यूजमधेश डेस्क
राजविराज ,३ कार्तिक । जनता समाजवादी पार्टीका अध्यक्ष उपेन्द्र यादवलाई गृह जिल्लामै दुब्र्यवहार भएको छ । आक्रोसित स्थानीयवासीले यादवलाई ठग र लुटेराको संज्ञा दिएका छन् ।
जसपाले कार्तिक १ देखी ५ गतेसम्म आयोजना गरेको कार्यकर्ता भेटघाटको पहिलो दिन अर्थात १ गते छिन्नमस्ता गाउँपालिका वडा नम्वर ३ मा कार्यक्रमकोे आयोजना गरिएको थियो ।
कार्यक्रममा अध्यक्ष उपेन्द्रसंगै भौतिक पूर्वाधार तथा यातायात मन्त्री रेणु यादव, प्रदेश २ का आर्थिक मामिला तथा योजना मन्त्री शैलेन्द्र प्रसाद साह र प्रदेश सभा सदस्य मनिष सुमन समेत उपस्थित थिए ।
कार्यक्रमको सञ्चालक किशोरकुमार यादब (केसी)ले कार्यक्रमको सुरुवात गरेपछि जव फ्लोर ओपन गरियो, तव स्थानीय कार्यकर्ता उपेन्द्र माथि खनिए । वोल्ने पालो पाएका स्थानिय रमेश सदाले सम्वोधन समेत नगरी उपेन्द्रको नाम लिएर मधेशलाई ठग्न र लुटन आएको बताए । सदाले अन्य तीन जनालाई पनि सोही आसयमा आरोप लगाएपछि हो–हल्ला सुरु भएको थियो ।
त्यसपछि उपेन्द्रका कार्यकर्ताले सदाले समाएको माईक खोसे । त्यसपछि कार्यक्रमको माहौल अझै उग्र भएको थियो । कार्यक्रम अब्यवस्थित हुन थालेपछि स्थानीय दलित समूदायका महिलाहरुले कार्यक्रम नै वहिस्कार गरेका थिए ।
दलित महिलाहरुले कार्यक्रम वहिस्कार गरेर हिडेपछि वाँकी रहेका नेता÷कार्यकर्ताहरुले गालिगलौज सुरु गरेका थिए । स्थानिय नेता तथा जनता समाजवादी पार्टीका जिल्ला इन्र्चाज समेत रहेका सत्यनारायण यादबले सदालाई निसाना बनाएर गालि गलौज गरेको दलित समुदायका ब्यक्तिहरुले बताएका छन् ।
