कमल कमार मण्डल
राजविराज, ३ कार्तिक । महुली नदिको बाँध भत्किदा सप्तरीको हनुमाननगर कंकालिनी नगरपालिका ३ पोर्ताहामा करिब ३ सय परिवार समस्यामा परेका छन् । देशभरिमा भएको बेमौसमी वर्षाका कारण नदिको जल सतह बढे पश्चात, बाँध भत्किदा वस्तीमा पानी पसेको हो ।
‘वर्षेनी यस्तो समस्या खेप्दै आएको’ स्थानीय जितेन्द्र यादवले भने- स्थानीय, प्रदेश र संघिय सरकारले एक अर्काका भरमा बस्दा ठोस पहल हुन सकेको छैन ।’
‘नदि किनारमै रहेका दलित समुदायका बासिन्दालाई कष्टकर अवस्था खेप्नु पर्ने’ अर्की स्थानीय मिना मल्लिकले भनिन् – ‘मंगलवार राति अचानक बाढी पस्दा, राति समेत खाना पकाउन सकिएन ।’ उनी थपिन-जनप्रतिनिधिले केही बोरामा माटो भरिएर बाँधलाई मर्मत गर्छन् तर, नदिमा पानी बढ्दा फेरि अवस्था उस्तै हुन्छन् । राहत स्वरुप च्युरा, भुजा दिएर हुदैन, हामीलाई अर्को ठाउँमा विस्थापित गर्नुस् कि ठोस बाँध निर्माण गर्नुस उनिहरुको माँग रहेका छन् ।
नदिमा बाढी आए मात्रै यहाँका सरोकारवाला जाग्छन्, कहिले बोरा, पाइलिंग लगायतका तत्कालीन समाधान खोज्ने गरेको प्रति सुरेन्द्र यादवले पिडा सुनाए । यता पटक पटक बाढी आएपनि ठोस मर्मत नगर्दा सोही ठाउँमा लगाइएको धानबाली, केरा खेती, आलु खेती समेत नष्ट भएको सोही वडाका अध्यक्ष विजय यादवले बताए ।
आज (बुधवार) सप्तरीका सिडियो जनार्दन गौतमसहितका टोलीले निरीक्षण गरेपश्चात तत्कालीन पानी रोक्ने कार्य गर्ने र सम्बन्धित निकायसँग समन्वय गरि छिट्टै ठोस मर्मत गर्ने निर्णाय भएको उनले जानकारी दिएँ ।
