न्यूजमधेश डेस्क
जनकपुरधाम ,५ कार्तिक । खानेपानी कार्यालयका निमित्त प्रमुख राजेश्वर कुशवाहालाई जनकारवाही गरेको आरोपमा पक्राउ परेका १७ जना नेताहरुविरूद्ध मुद्दा दर्ता गरिएको छ ।
बिहीबार दिउँसोसम्म दुई दिन भएको वर्षामा पानीको निकास ढल भएर बग्न नसकेपछि उक्त
जनताले कार्यालय प्रमुख कुशवाहालाई जनकारवाही कपडा खोलेर गर्दै नगर परिक्रमा गराएका थिए ।
उनीहरुले कपडा निकालेर नगर परिक्रमा गराएपछि नगरपालिकालाई बुझाएको थिए ।
भ्रष्टाचार विरुद्धको आनदोलनका १७ जना आन्दोलनकारीमाथि सो घटनामा जिल्ला सरकारी वकिलको कार्यालयमार्फत मुद्दा दर्ता गराइएको जिल्ला प्रहरी कार्यालयले जनाएको छ ।
प्रहरी प्रवक्ता जीतेन्द्र बस्नेतका अनुसार उक्त जनमत पार्टीका धनुषा जिल्ला अध्यक्ष ओमविक्रम कुशवाहा, विद्यार्थी जनमत संघ धनुषाका अध्यक्ष विजय कुमार यादव , दुर्योधन यादव, प्रेमकिशोर यादव, केन्द्रीय सदस्य वीरेन्द्र महतो,नेता सञ्जय प्रधान, धनिकलाल कापर, विक्रमकुमार साह, कैलाशप्रसाद साह, दिनेश रजक साफी, रामकरण यादव, सञ्जय कुमार सिंह, सञ्जय साह, महेश कुमार यादव, अमरनाथ साह र सुन्दर मण्डलविरूद्ध मुद्दा दर्ता गरिएको छ ।
पक्राउ परेका भ्रष्टाचार विरुद्ध अभियानका अभियानीहरुलाई रिहाईको माग गर्दै जनकपुरमा जनमत पार्टीका नेता कार्यकर्ताहरुले प्रदर्शन गरेको हो ।
उनीहरुले भ्रष्टाचारीलाई कारवाही गर ,जनमत पार्टी जिन्दावाद ,पक्राउ परेका भ्रष्टाचार विरुद्धका अभियानिहरुलाई रिहा गर ,डा सीके राउत जिन्दाबाद जस्ता नाराहरु लगाएको थियो ।
