न्यूजमधेश डेस्क
जनकपुरधाम ,६ कार्तिक ।पक्राउ परेका आफ्ना कार्यकर्तालाई रिहाको माग गर्दै डा. सीके राउत नेतृत्वका जनमत पार्टीले आज साँझ मधेसका जिल्लाहरूमा मशाल जुलुश निकालेको छ ।
जनकपुरमा संघीय खानेपानी तथा ढल निकास आयोजना कार्यालयका प्रमुख जागेश्वर कुशवाहालाई जनकारबाही गरेको आरोपमा जनमत पार्टी १७ कार्यकर्तालाई पक्राउ गरी प्रहरीले मुद्दा चलाएको छ ।
प्रहरी हिरासतमा रहेका नेता कार्यकर्तालाई बिनाशर्त रिहा गर,भ्रष्टाचारलाई कारबाही गर,भ्रष्टाचारीलाई संरक्षण गर्ने पार्टी मुर्दाबाद जस्ता नारा लगाउदै जनमत पार्टीले धनुषाको कमला नगरपालिकासहित मधेसका विभिन्न पालिकामा मशाल जुलुश निकालेको हो ।
कमला नगरपालिकामा निकालेको मशाल जुलुशमा सो पार्टीका सयौं कार्यकर्ता सहभागी थिए ।
भ्रष्टाचारको आरोपमा बुधवार कार्यालय प्रमुख कुशवाहालाई आक्रोशित जनताले जनकारबाही स्वरुप हिलो दलेर बजार घुमाएका थिए ।
पक्राउ परेका नेता कार्यकर्ताहरुलाई बिना शर्त रिहा नगरे जनमत पार्टीले विशाल आन्दोलन गर्ने चेतावनी दिएको छ ।
