राजविराज, ७ कात्तिक । मिथिला कप टी–ट्वाइन्टी क्रिकेट प्रतियोगीताको पहिलो खेलमा लहान क्रिकेट कल्ब सिरहाले २० रनले जित हाँसिल गर्न सफल भएको छ ।
सप्तरीको महेन्द्र विन्देश्वरी बहुमुखी क्याम्पस स्थित खेल मैदानमा आज (आइतवार) देखी सञ्चालन भएको खेलमा लहान क्रिकेट कल्ब, सिरहा र फुलबारी क्रिकेट कल्ब, सुनसरी बिच प्रतिस्पर्धा भएको युवा शक्ति कल्ब विष्णुपुरले जनाएको छ ।
सिरहा क्रिकेट टिमले टस जितेर ब्याटिङ गरी सम्पुर्ण ओभर खेल्दै ९ विकेट गुमाएर १ सय ६ रन बनाइएको खेलको प्राविधिक उदित यादवले जानकारी दिए ।
सोही खेलको प्रतिस्पर्धी १०७ रनको लक्ष्य लिई मैदानमा ओर्लेको फुलवारी क्रिकेट कल्ब सुनसरीले निर्धारित २० ओभरको खेलमा १९ ओभरमा १० विकेट गुमाएर ८६ रन मात्र बनाएर आफ्ना लक्ष्य पुरा गर्न नसक्दा पराजित भए ।
आजको खेलको म्यान अफ द म्याच सिरहा टिमका कुस मण्डललाई दिएको हो । उनी ४१ बलमा ३८ रन बनाएर रनआउट भएको थियो ।
