न्यूजमधेश डेस्क
सिरहा,८ कार्तिक । डा सीके राउत नेतृत्वका जनमत पार्टीका केन्द्रिय सदस्य निर्मल मण्डलको मोटरसाइकलमा आगो लगाउने युवा प्रहरीको फन्दामा परेको छ।
सिरहाको मिर्चैया नगरपालिका १० का जनमत पार्टीका केन्द्रिय सदस्य मण्डलको स. ४ प ४३३७ नम्वरको मोटरसाइकलमा आगजानी गरेको आरोपमा स्थानीय ३३ वर्षिय दिपक साहलाई प्रहरीले आईतबार बेलुका पक्राउ गरेको हो ।
मण्डलले आफ्नै घर अगाडि रहेको सार्वजानिक भवनमा पार्किङ गरी राखेको मोटरसाइकलमा गत असोज २६ गते राति आगजानी भएको थियो ।
पक्राउ परेका साहले व्यक्तिगत रिसिविका कारण पेट्रोल छर्केर आगजानी गरेको प्रहरी सामु स्वीकार गरेको इलाका प्रहरी कार्यालय मिर्चैयाले जनाएको छ ।
साहमाथि मण्डलले दिएको किटानी जाहेरीको आधारमा खोज तलास गर्दैजाँदा मिर्चैया ५ संस्थान चौकबाट तत्काल नियन्त्रणमा लिएको प्रहरीले जनाएको छ ।
पक्राउ परेको साहमाथि आजै साहमाथि अपराधिद उपद्रव गरेको कसूरमा म्याद थपगरी आवश्यक अनुसन्धान अगाडी बढाउने प्रहरीले बताएको छ ।
