२८ आषाढ २०८२, आइतबार
13-07-2025 , Sun
×

पूर्वराज्यमन्त्री मण्डलले फिर्ता गरेनन् फ्रिज र वासिङ्ग मेसिन, जनकारवाहीको सम्भावना

Logo
प्रकाशित मंगलबार, कार्तिक ०९, २०७८

न्यूजमधेश डेस्क

जनकपुरधाम,९ कार्तिक । काम गर्न नसकेको भन्दै नालायक घोषणा गरी पदच्युत गरिएका प्रदेश २ का उद्योग, वन तथा वातावरण राज्य मन्त्री सुरेश मण्डलले जनताको करबाट खरिद गरिएको फ्रिज र वासिङ्ग मेसिन फिर्ता गरेका छैनन्।

महन्थ ठाकुर नेतृत्वको राष्ट्रिय जनता पार्टी (राजपा)बाट प्रदेश २ को राज्यमन्त्री भएका मण्डललाई उपेन्द्र यादव समूहले काम कार्यक्षमता अभाव अर्थात नालायक रहेको भन्दै कारवाही गरी सरकारबाट हटाएको थियो।

मण्डललाई राज्य मन्त्रीबाट पदत्युत गरिएपनि उनले जनताको करबाट खरिद गरिएको फ्रिज र वासिङ्ग मेसिन मन्त्रालयको स्टोर शाखामा नबुझाएको मन्त्रालयले जनाएको छ।

मन्त्रालयको स्टोर शाखाका अनुसार पूर्वराज्य मन्त्री मण्डललाई मन्त्री क्वाटरमा प्रयोगका लागि खरिद गरिदिएको फ्रिज र वासिङ्ग मेसिन फिर्ता गर्न बारम्बार ताकेता गरेपनि हालसम्म उनले फिर्ता गरेको छैन। जनताको करबाट खरिद गरिएको सामान फिर्ता नगरी अन्यत्रबाट पैसा मिलानी गरिदिन मन्त्रालयका विभिन्न कर्मचारीलाई मण्डलले दबाब दिएको मन्त्रालय स्रोतको दाबी छ।

मन्त्रालयका एक कर्मचारीका अनुसार मण्डलले कर्मचारीहरुलाई धम्की दिदै भनेका छन्,‘त्यो सामानहरुको रकम अन्यत्रबाट मिलाउ। मलाई उपेन्द्र यादवले पुनः मन्त्री बनाउँदैछ। मैले हेर्दैछु तिमीहरुले अटेर गर्दैछौ। म फेरी मन्त्री हुँदैछु तिमीहरु विचार गर है।’
सिरहाको लहानमा वन कार्यालयबाट प्राप्त पेट्रोल आफ्नो गाडीमा नहाली पेट्रोलको कुपन बेचेको भन्दै पूर्वराज्यमन्त्री मण्डल विवादमा परेका थिए।

यसैबीच सिरहा कल्याणपुरका सन्तोष मण्डलले पूर्वराज्यमन्त्री मण्डललाई जनकारवाहीको चेतावनी दिएका छन्। जनताको करबाट खरिद गरिएको फ्रिज र वासिङ्ग मेसिन प्रदेश २ सरकारलाई फिर्ता नगरिए पूर्वराज्यमन्त्री मण्डललाई जनकारवाही गर्ने चेतावनी उनले दिएका छन्।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]