न्यूजमधेश डेस्क
सिरहा,१० कार्तिक ।डा सीके राउत नेतृत्वको जनमत पार्टीका नेता कार्यकर्तालाई रिहाको माग गर्दै सिरहाको गाउँ गाउँमा मशाल जुलुस प्रदर्शन गरिएको छ।
बुधबार बेलुका जनमत पार्टीको पुर्व घोषित कार्यक्रम अन्तर्गत आज तेस्रो दिन वडा र टोलमा मशाल जुलुस प्रदर्शन गरेको हो ।
जनमत पार्टीका उपाध्यक्ष पंकज कुमार सिंहका अनुसार सिरहाका प्रत्येक स्थानीय तहको वडा स्तरीयमा भ्रष्टाचारीलाई कारबाही गर्न र पक्राउ परेका नेता कार्यकर्तालाई रिहाको माग गर्दै मशाल जुलुस निकालिएको थियो ।उनले भने,स्थानीय प्रहरीले मशाल जुलुस विथोल्ने प्रयास गरेको थिए।तर उनिहरुलाई आफ्ना नेता कार्यकर्ताहरुले कार्यक्रम विथोल्न असफल गरेको हो।
अब जनस्तरमा भ्रष्टाचार विरुद्धको आन्दोलन सुरु भैसकेको छ।प्रहरीले शान्तिपुर्ण आन्दोलनलाई विथोल्ने प्रयास गर्छ ,भने जनस्तरबाटै प्रतिकार हुने चेतावनीसमेत दिएका छन।
गत विहिबार जनकपुरधामको पिडारी चौकस्थित रहेका खानेपानी तथा ढल निकास आयोजना कार्यलयका प्रमुख ई राजेश कुशवाहालाई आमजनसमुदायले जनकारबाही गरेपछि जनमत पार्टी धनुषा अध्यक्ष ओम बिक्रम कुशवाहासहित १७ जनालाई प्रहरीले पक्राउ गरेर हिरासतमा राखेको हो।
पक्राउ परेका नेता कार्यकर्तालाई नि:सर्त रिहा गर्न माग गर्दै मधेशको गाउँ गाउँमा प्रदर्शन भैरहेको छ।
