२८ आषाढ २०८२, आइतबार
13-07-2025 , Sun
×

गुणस्तरहीन भन्दै सडक ढलान कार्य युवाहरुले गरे अवरोध

Logo
प्रकाशित बिहिबार, कार्तिक ११, २०७८

न्यूजमधेश डेस्क
जनकपुरधाम,११ कार्तिक।जनकपुरधाम– ढल्केबर सडकखण्ड अन्तर्गत लक्ष्मीनियाँ गाउँपालिका –७ स्थित सडक ढलान कार्यलाई गुणस्तरहीन बताउँदै स्थानीय युवाहरुले अवरोध गरेका छन् ।

युवाहरुको विरोध पछि निर्माण कार्य बुधबार रोकिएको छ । ईस्टिमेटमा ८ ईन्च मोटो ढलान उल्लेख रहेपनि ७ ईन्च मात्र ढलान गरेको, एक, डेढ र तीनको भागमा केमिकल सहित कंक्रिट ढलान हुनु पर्नेमा ९ गिट्टी ,४ बालुवा तथा १ बोरा सिमेन्ट मिसाएर ढलान गरिएको भन्दै उनीहरुले ढलान कार्यमा अवरोध पुर्याएका छन् ।

डिभिजन सडक कार्यालय मुजेलियाको योजना अन्तर्गत राजमार्गदेखि गाउँपालिका अस्पताल सम्मको चार सय मिटरमा आरसीसी ढलान गर्न लागिएको साईट ईन्जिनियर शम्भु मोचीले जनाए ।

२० सेन्टिमिटर मोटाई ,६ मिटर चौडाई तथा चार सय मिटर सडकमा ढलान गर्नु पर्ने ईस्टिमेट अनुसार नै काम भईरहेको ईन्जिनियर मोचीले दावी गरे ।

स्थानीय युवाहरुको अवरोध पछि ढलान कार्य स्थगित गरिएको र बिहीबार काम सुचारु गर्न स्थानीय जनप्रतिनिधि र स्थानीयवासीहरुसंग छलफल गरी काम अघि बढाईने मोचीले थपे ।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]