न्यूजमधेश डेस्क
गौर ,११ कार्तिक। डा सीके राउत नेतृत्वको जनमत पार्टीका कार्यकर्ताहरुले रौतहट जिल्लाको राजदेवी नगरपालिकासहित विभिन्न नगरपालिकामा भ्रष्टाचार विरुद्ध प्रदर्शन गरेका छन् ।
जनमत पार्टीका पूर्व घोषित आन्दोलनका कार्यक्रम अन्तर्गत कार्यकर्ताहरुले नगरपालिका कार्यालयको मुख्य गेटमा नारावाजी गर्दै प्रदर्शन गरेका हुन् ।
जनमत पार्टीका कार्यकर्ता विरुद्ध शुरु भएको आन्दोलनको विपक्षमा जनमत पार्टीले प्रदेश २ को विभिन्न जिल्लामा भ्रष्टाचार विरुद्ध र पक्राउ परेका आफ्ना १७ जना कार्यकर्तालाई रिहाइ गर्न दवाव सृजना गर्ने उदेश्यले आन्दोलनमा उत्रेका हुन् ।
नगर अध्यक्ष प्रभु यादवको नेतृत्वमा रहेको कार्यकर्ताहरुले भ्रष्टाचार बन्द गर जस्ता नारा लगाउदै विरोध जनाएका हुन् ।
मुलुकमा संघीयता पछि स्थापना भएको स्थानीय तहमा निकै अनियमितता मौलाएको ठहर गर्दै भ्रष्टाचार निर्मुल पर्ने उदेश्यले जनमत पार्टी लागेको नगर अध्यक्ष यादवले दावी गरे । राज्यको रकम दोहन गर्ने जोकोहीलाई जनकारवाही नै एक मात्र विकल्प रहेको जिकिर उनले गरे ।
