राजविराज, ११ कार्तिक । मिथिला कप क्रिकेट प्रतियोगिताको पाँचौ दिनकोे खेलमा बजाज युथ क्रिकेट एकेडेमी सप्तरी र छिन्नमस्ता बरही सप्तरी विजय भएको छ ।
महेन्द्र विन्देश्वरी बहुमुखी क्याम्पस स्थित खेल मैदनमा युवा शक्ति क्लव विष्णुपुरद्धारा आयोजित प्रतियोगितामा आज (विहिवार) भएको पहिलो चरणको खेलमा रौतहट एलेभेन टस जितेर ब्याटिङ गर्दै सम्पुर्ण ओभर खेल्दै ८ विकेट गुमाएर ९५ रन बनाउन सफल भए ।
सोही खेलको प्रतिस्पर्धी ९६ रन बनाउने लक्ष्य लिएर मैदानमा उत्रिएका बजाज युथले १३ ओभर ५ बल खेल्दै ७ विकेट गुमाएर ९६ रन बनाउदै जित हाँसिल गरे ।
दोश्रो चरणको खेलमा लहान क्रिकेट कल्ब र छिन्नमस्ता बरही सप्तरी विच भएको खेलमा लहानले टस जितेर ब्याटिङ गर्दै सम्पुर्ण ओभर खेल्दै ८ विकेट गुमाएर १ सय रन बनाए । सोही खेलमा जित हाँसिल गर्ने लक्ष्य लिएर मैदानमा उत्रिकाएका छिन्नमस्ता टिमले १२ ओभरमै ३ विकेट मात्र गुमाएर १ सय ३ रन बनाउदै विजेता घोषित भए । सो खेलमा आदिल अंसारीको विस्फोटक ब्याटिङले छिन्नमस्ता टिम विजय भएको खेलका प्राविधिक उदित यादवले जानकारी दिए ।
आजको प्रतियोगिताको म्यान अफ दि म्याच पहिलो खेलमा बजाज टिमका बिवेक यादव र दोश्रो खेलमा छिन्नमस्ता टिमका आदिल असांरी घोषित भएको आयोजकले जनाएको छ ।
नेपाल लोकतान्त्रिक पार्टीका जिल्ला सचिव चौधरीसहित सयौं जना जनमतमा प्रवेश
निहारिका राजपुत प्रकरण : बलात्कारको आरोप लागेका श्रेष्ठ पक्राउ
विपासाको बेबीबम्पमा करणको चुम्बन : आमाबाबु बन्दै बलिउडको हट जोडी