राजविराज, १७ कार्तिक । कुमालले बनाएको माटाको वर्तन बिक्री गर्ने ठाउँको उचित व्यवस्थापन हुन नसक्दा आफ्ना पुख्य्रौली पेशा संकटमा जान सक्ने एक कुमहालले बताउँछन् ।
‘पर्व, तिहार, पुजापाठ, विवाह, श्राद्धलगायतका अन्य कार्यहरुमा समेत प्रयोग गरिने प्रायोजनकालागि निमार्ण गरिएको माटाका वर्तनहरु बिक्री गर्न विभिन्न गाउँका घर घरमा पुर्याउनु पर्ने बाध्यता रहेको’ हनुमाननगर कंकालिनी नगरपालिका वडा नम्बर ११ का सिताराम पण्डितले भने– ‘गाउँबाट वर्तन बिक्री गर्न राजविराजको हाटमा जादा ठाउँ अभावका कारण जहाँ पनि वर्तन राखेर बेच्न खोज्दा आसपासका पसलेहरुले हेप्दै, हप्काउदै भगाउछन् ।’
अहिले बढदौं आधुनिकताका कारण गाउँ घरमा पनि बिक्री न्युन हुदै गएको र कतिपय कुमहार समुदायका व्यक्तिहरुले पेशा नै छोडेर अर्को व्यवसाय तथा काम गरेर दिनचर्या बिताउन थालेको उनीहरुको भनाई छ ।
हाल दिपावली, छठ पर्व, तुलसी उद्यापन नजदिकिदै जादा तिहारमा प्रयोग हुने कुर्वा, कौर्ना, ढकनी, दीप, ढकना, चौमुख, पूजाका वर्तनको सेटलगायतका माटोको साम्रगीहरु बनाउनमा कुमहार समुदाय व्यस्त छन् ।
https://www.youtube.com/watch?v=QL1DI72QC30
