राजविराज, २० कार्तिक । शुभदिपावली तथा लक्ष्मी पुजाको अवसर पारेर सप्तरीको तिलाठी कोइलाडी गाउँपालिका वडा नम्बर–२ लौनियाँमा विभिन्न कार्यक्रम गरि लक्ष्मी पुजा मनाइरहेका छन् ।
ग्रामदेवता प्रांगणमा आयोजना गरिएको पुजा तथा सांस्कृतिक कार्यक्रममा सहयोग गरेका कलाकार र पुजा समितिलगायत स्थानिय बुद्धजीवी/समाजसेवीहरुको महालक्ष्मी पुजा समितीले आज (शनिवार) एक समारोहका बिच सम्मान गरेको हो ।
वि.स. २०६९ सालदेखी निरन्तरता दिदैँ, यस वर्ष समेत विभिन्न कार्यक्रमहरु गर्दै भव्यताका साथ महालक्ष्मी पुजनोत्सव मनाइएको पुजा समितिका अध्यक्ष शिवनारायण मण्डलले जानकारी दिए ।
‘पुजनोत्सवमा आयोजना गरिएको विभिन्न कार्यक्रमहरुको प्रंससा गर्दै’ सोही कार्यक्रममा विशिष्ट अतिथि गाउँपालिका अध्यक्ष सतिश कुमार सिंहले ‘कुलतमा नलाग्न युवाहरुलाई आग्रह गरे ।’
शिक्षा, खेलकुद, संगीतलगायतका विभिन्न क्षेत्रमा लौनियाँ अगाडि रहे पनि, अझै कुलतलाई बिर्सेर आफ्ना प्रतिभा देखाई युवाहरुलाई अगाडि बढनुपर्ने उनको भनाई थियो ।
संघीय सांसद दुलारी देवी खंगको प्रमुख आतिथ्यमा आयोजना गरिएको कार्यक्रममा विशिष्ट अतिथि गाउँपालिका अध्यक्ष सतिश कुमार सिंह, वडा अध्यक्ष खगेन्द्र मण्डल, अतिथि उमेश्वर आधारभुत विद्यालयका प्र. अ. प्रदिप मण्डल, वडा सदस्य विरेन्द्र मण्डल, दिनेश मण्डल, चन्दना देवी मण्डल, सिता देवी खंग, समाजसेवी महेन्द्र प्रसाद खंग, रामनारायण मण्डललगायतका व्यक्तिहरुको उपस्थिति रहेको थियो ।
कार्यक्रममा युवा गायक रिजवान खान, शोभाकान्त चौधरी, शंकर राम, सुरेन्द्र कुमार मण्डललगायतका कलाकारहरुको सम्मान गरेको थियो भने, साँस्कृतिक कार्यक्रमका संयोजक रामफुल मण्डल, पुजा समितिका सहयोगी लक्ष्मी मण्डल, विरेन्द्र मण्डल, पवन कुमार शर्मा, ज्योतिश मण्डल, विद्यानन्द खंग, विरेन्द्र मण्डललगायतका सहयोगीहरु सम्मानित भएका छन् । 
